ლაგოდეხის N15 ოლქის კაბალის N18 საარჩევნო უბანზე აზერბაიჯანულ ენაზე „ბეშ-ბეშს“ გაიძახიან, რაც ქართულად ხუთს ნიშნავს. როგორც კახეთის საინფორმაციო ცენტრს უბანზე მყოფმა ადამიანის უფლებათა ცენტრის დამკვირვებელმა შეატყობინა, კენჭისყრის კაბინისკენ მიმავალ ამომრჩეველს უბანზე მყოფი არასამთავრობო ორგანიზაცია „დემოკრატიის ქსელის“ დამკვირვებელი იმრან ამირახოვი ხმამაღლა აზერბაიჯანულად „ბეშ-ბეშს“ უყვირის და აგიტაციას ეწევა, რაც კანონით აკრძალულია.
აღნიშნულ დარღვევასთან დაკავშირებით ადამიანის უფლებათა ცენტრის წარმომადგენელმა ვახტანგ კაპანაძემ უკვე დაწერა საჩივარი; გარდა ამისა, იმავე საარჩევნო უბანზე სხვა დამკვირვებლებმა 09:15 საათისთვის კიდევ 2 საჩივარი დაწერეს.
საქართველოს ახალგაზრდა იურისტთა ასოციაციის დამკვირვებლის, ციალა უთიაშვილის საჩივრის მიხედვით, ლაგოდეხის N15 ოლქის N18 საარჩევნო უბანზე საარჩევნო ყუთი თვალსაჩინო ადგილზე არ დგას, დამკვირვებლები ვერ ხედავენ ყუთს, რადგან ის შენობის შიდა დერეფნის გადაკვეთაზე კენჭისყრის კაბინების გვერდით დგას.
მესამე საჩივარი ადამიანის უფლებათა ცენტრის დამკვირვებელმა შეადგინა, რომლის მიხედვით, უბანზე განთავსებული სარეგისტრაციო მაგიდები, კედელთან ახლოს ისეა განლაგებული, რომ დამკვირვებლებს საარჩევნო პროცესზე სრულყოფილად დაკვირვების საშუალება არ ეძლევათ.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
