07:55, Thursday, 28.01.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ქართული ოცნების“ საჩივრები ხელვაჩაურის სასამართლომ არ დააკმაყოფილა

12.10.2012
11 ოქტომბერს ხელვაჩაურის სასამართლომ ქედის საარჩევნო ოლქიდან შესული საჩივრების განხილვა დაასრულა. „ქართული ოცნება“ საპარლამენტო არჩევნებისა და აჭარის უმაღლესი საბჭოს არჩევნების შედეგების გადასინჯვას, კერძოდ კი - ქედის საარჩევნო ოლქში 11 საარჩევნო უბნის შემაჯამებელი ოქმების ბათილად ცნობას ითხოვდა. სასამართლომ ეს მოთხოვნა არ დააკმაყოფილა. საჩივრებს მოსამართლე დავით მამისეიშვილი განიხილავდა.

იმ შემთხვევაში, თუკი აღნიშნულ საარჩევნო ოლქში ბათილად ორი საარჩევნო უბნის შედეგები მაინც გამოცხადდებოდა, კანონის მიხედვით, იმ უბნებზე განმეორებითი კენჭისყრა უნდა დანიშნულიყო. „ქართული ოცნების“ წარმომადგენლები სასამართლო გადაწყვეტილების გასაჩივრებას აპირებენ.

კახაბერ სოფრომაძე, „ქართული ოცნების“ წარმომადგენელი: „11 უბნის ბათილად ცნობაზე უარი გვითხრეს. ჩვენს მიერ წარდგენილი არანაირი მტკიცებულება და  არგუმენტი სასამართლომ არ გაიზიარა. იყო როგორც პროცედურული დარღვევები, ასევე ოქმში უზუსტობები. ხელვაჩაურის რაიონული სასამართლოს გადაწყვეტილებას აუცილებლად გავასაჩივრებთ ქუთაისის სააპელაციო სასამართლოში. არ ველოდებოდით ისეთი ხილული არგუმენტების უარყოფას, რაც წარმოდგენილი გვქონდა“.

„თუ გავითვალისწინებთ იმ მტიკიცებულებებს და არგუმენტებს, რაც ჰქონდა ჩვენს ოპონენტებს წარმოდგენილი, დარწმუნებული ვიყავი, სასამართლო ერთადერთ სწორ გადაწყვეტილებას გამოიტანდა და გამარჯვებულად გამოაცხადებდა „ერთიან ნაციონალურ მოძრაობას - მეტი სარგებელი ხალხს“. რეალურად სწორედ ასეც მოხდა“, - აღნიშნა ირაკლი ბარამიძემ, „ნაციონალური მოძრაობის“ მაჟორიტარი დეპუტატობის კანდიდატმა ქედის ოლქიდან, აჭარის უმაღლეს საბჭოში.

აჭარის 6 საარჩევნო ოლქიდან, „ერთიანმა ნაციონალურ მოძრაობამ - მეტი სარგებელი ხალხს“ 3 ოლქში გაიმარჯვა. ყველა მათგანი აჭარის მაღალმთიანი რაიონებია: ქედა, შუახევი და ხულო.

მაკა მალაყმაძე, აჭარა

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC