ხონში „ნაციონალური მოძრაობის“ კოორდინატორებს დაპირებული ხელფასები არ გადაუხადეს. პარტიის რაიონულმა ხელმძღვანელობამ, რაიონის მასშტაბით, წინასაარჩევნოდ, ყველა სოფელში ქუჩების მიხედვით თითო-თითო კოორდინატორი შეარჩია, რომელსაც პარტიის და მაჟორიტარი კანდიდატის აგიტაცია ევალებოდა.
კოორდინატორებს დაავალეს „ნაციონალური მოძრაობის“ ხონის მაჯორიტარი კანდიდატთან შეხვედრების ორგანიზებაც, რომელიც დღეში რამდენიმე ადგილზე იმართებოდა. კოორდინატორებს თავიანთი ქუჩის მაცხოვრებლები დეპუტატობის კანდიდატთან შეხვედრაზე უნდა მოეყვანათ. ამ საქმიანობის შესრულებისთვის კი მათ ერთჯერადად 200 ლარს დაპირდნენ. პარალელურად მუშაობდნენ მიკროკოორდინატორებიც, რომლებსაც 100 ლარი ასევე ერთჯერადად უნდა მიეღოთ.
დაპირებისამებრ, მათ კუთვნილი ხელფასი არჩევნებამდე უნდა მიეღოთ. თუმცა, არჩევნების დამთავრებიდან დღემდე ისინი გაწეული სამუშაოს ანაზღაურებას ამაოდ ელოდებიან.
მარი ტაბიძე, ხონი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
