15:55, Monday, 14.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

დიდველას მოსახლეობამ გზა გადაკეტა

19.12.2012

მარი ტაბიძე, ბაღდათი

16 დეკემბერს ბაღდათის რაიონის სოფელ დიდველაში ადგილობრივმა მცხოვრებლებმა გზა გადაკეტეს. ისინი სოფლის გზის საფარის რეაბილიტაციას ითხოვენ, სადაც შპს „საქმილმშენი“ სამუშაოებს დღემდე აწარმოებს.

კომპანია დასავლეთ-აღმოსავლეთის დამაკავშირებელი ბუნებრივი აირის  მილების შეცვლას ამ ტერიტორიაზე თვენახევარია აწარმოებს. ამიტომ სოფელში სისტემატიურად გადაადგილდება როგორც მსუბუქი ავტომანქანები ასევე მძიმე ტექნიკა.
 
სოფლის მცხოვრებლები გზის გაფუჭებას მძიმე ტექნიკის გადაადგილებას უკავშირებენ. აქციის ორგანიზატორები აცხადებენ, რომ წლების მანძილზე მიმდინარე სხვადასხვა სახის პროექტების განხორციელებისას წარმოებულმა სამუშაოებმა სოფლის გზა მწყობრიდან გამოიყვანა.

„ჩვენ სოფლის გზის საფუძვლიან შეკეთებას ვითხოვთ, რადგან  დაუმთავრებელი სამუშაოების გამო, გზა მთლიანად განადგურდა. სოფელში სასწრაფო დახმარების მანქანაც კი ვერ შემოდის ნორმალურად და ესეც რომ არ იყოს, ხალხს გადაადგილება გვიჭირს. წვიმიან და თოვლიან ამინდში კი ტრანსპორტი ფაქტიურად ვერ მოძრაობს. ბაზარში ვერ მივდივართ, რადგან უგზოობის გამო ნაყიდი პროდუქტი სახლამდე ვერ მიგვაქვს“, - აცხადებს ნათელა ღვალაძე.

აღნიშნული გზის რეაბილიტაციის მიზნით ადგილობრივი ბიუჯეტიდან 27 ათასი ლარი გამოიყო, მაგრამ ეს თანხა შესასრულებელი სამუშაოებისთვის არასაკმარისი აღმოჩნდა და ამ კუთხით მდგომარეობა უცვლელი დარჩა. მოსახლეობა ბაღდათის რაიონის სოფელ დიდველის რწმუნებულს თანხის არამიზნობრივად ხარჯვაში ადანაშაულებენ. ისინი აცხადებენ, რომ ყველა პირს პროკურატურაში მოუწევს პასუხისგება და დეტალურად მტკიცება, სად და როგორ დაიხარჯა გამოყოფილი თანხა.

ბაღდათის რაიონის სოფელ დიდველის რწმუნებული მურად ლაბაძე ამბობს: „სოფლის განვითარების პროგრამის ფარგლებში ეს გზა შერემონტდა. ამის დამადასტურებელი დოკუმენტაცია მუნიციპალიტეტის გამგეობაში დევს. თუმცა ვეთანხმები იმას, რომ ეს თანხა საკმარისი არ იყო გზის სრული რეაბილიტაციისთვის. პირადად მე, როგორც სოფლის რწმუნებულს თანხასთან შეხება არ მქონია და ვერც მექნებოდა კანონიდან გამომდინარე“.

აქციაზე შპს „საქმილმშენის“ მთავარი ინჟინერიც იმყოფებოდა. მერაბ ხელაძის განცხადებით, „ბუნებრივი აირის მილების მშენებლობა სრულად როცა დასრულდება, გზის შეკეთებაც მაშინ დაიწყება. თუმცა, ორი დღეა აქციის გამო მუშაობა შეჩერებულია. ჩვენ არაფერ შუაში ვართ, რადგან სახელმწიფოს დაკვეთას ვასრულებთ. ამ სოფლის მოსახლეობას კი წლების მანძილზე პირდებოდნენ გზის მშენებლობას, მაგრამ მოატყუეს. ახლა კი სოფლის მცხოვრებლები იყენებენ ამ სახელმწიფო მნიშვნელობის პროექტს და მუშაობის გაგრძელების საშუალების მოცემის სანაცვლოდ გზის აღდგენას ითხოვენ. ეს რამდენად მოსახერხებელია საერთო საქმისთვის, ვერ გეტყვით“.

 აქციის მონაწილეები აცხადებენ, რომ „საქ. მილ. მშენის“ მუშებს დაწყებული სამუშაოს გაგრძელების უფლებას ადგილობრივი მოსახლეობა მანამ არ მისცემს, ვიდრე მათი მოთხოვნა არ დაკმაყოფილდება.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC