13:25, Friday, 03.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პრეზენტაცია - „გზამკვლევი პოლიტიკური პატიმრების შესახებ საქართველოში“

20.12.2012

 
20 დეკემბერს ფონდ „ღია საზოგადოება - საქართველოს“ ოფისში თბილისის ადამიანის უფლებათა სახლმა წარმოადგინა კვლევა: „გზამკვლევი პოლიტიკური პატიმრების შესახებ საქართველოში“.

კვლევის ერთ-ერთი მთავარი მიზანი იყო პოლიტპატიმრის სტატუსის განსაზღვრისათვის კრიტერიუმების შემუშავება, რაც აქამდე საქართველოსთვის ერთ-ერთი მნიშვნელოვანი პრობლემა იყო. 

გამოცემა „გზამკვლევი - პოლიტიკური პატიმრების შესახებ საქართველოში“ მომზადდა ფონდ „ღია საზოგადოება - საქართველოს“ მიერ დაფინანსებული პროექტის -„სამოქალაქო საზოგადოების მიერ პოლიტიკური პატიმრების საკითხების შესწავლა“ ფარგლებში, რომელიც განახორციელა თბილისის ადამიანის უფლებათა სახლმა.

პრეზენტაციაზე „ღია საზოგადოება - საქართველოს“ აღმასრულებელმა დირექტორმა, ქეთი ხუციშვილმა გზამკვლევის მნიშვნელობაზე ისაუბრა. პრეზენტაციას ესწრებოდნენ არასამთავრობო ორგანიზაციების, მასმედიისა და პოლიტიკური პატიმრების ოჯახის წარმომადგენლები, ასევე - ცოტა ხნის წინ პატიმრობიდან გათავისუფლებული ცოტნე გამსახურდია, რომელმაც გზამკვლევის ავტორებს თავისი მოსაზრებები გაუზიარა. 

სამუშაო ჯგუფი, რომელმაც გზამკვლევი მოამზადა, აერთიანებდა უფლებადამცველი არასამთავრობო ორგანიზაციებისა და მედიის წარმომადგენლებს. ჯგუფს ხელმძღვანელობდა ახლადარჩეული სახალხო დამცველი უჩა ნანუაშვილი. 

„გზამკვლევი - პოლიტიკური პატიმრების შესახებ საქართველოში“ მოიცავს: მიმოხილვას საქართველოში პოლიტიკური პატიმრების ისტორიისა და დღევანდელობის შესახებ, საერთაშორისო ორგანიზაციების (ევროპის საბჭო, საერთაშორისო ამნისტია) კრიტერიუმებს, ადამიანის უფლებათა ევროპული სასამართლოს პრაქტიკას პოლიტიკურად მოტივირებულ საქმეებთან დაკავშირებით, საერთაშორისო და ადგილობრივ ანგარიშებს საქართველოში პოლიტპატიმრების პრობლემის შესახებ, საქართველოს კანონმდებლობის ანალიზს და უშუალოდ სამუშაო ჯგუფის მიერ შემუშავებულ კრიტერიუმებს.

თბილისის ადამიანის უფლებათა სახლის მედიაცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC