„გადადგეს საქართველოს პრეზიდენტი!“ - ამ ლოზუნგის ფონზე არასამთავრობო ორგანიზაციამ „ერთსულოვნება საზოგადოების უფლებებისთვის“ 17 დეკემბერს ქუთაისის ცენტრალურ ბულვარში კარვები გაშალა. ორგანიზაციის წევრებმა პრეზიდენტის გადადგომის მოთხოვნით ხელმოწერების შეგროვება დაიწყეს.
„მიხეილ სააკაშვილი ქართველმა ხალხმა 2004 წელს ერთსულოვნად აირჩია საქართველოს პრეზიდენტად. მომდევნო არჩევნებში კი, იგი გაყალბებული ბიულეტენების წყალობით დარჩა ხელისუფლებაში. იგი აღარაა ქართველი ერის რჩეული პრეზიდენტი და ამიტომ უნდა გადადგეს“, - აცხადებენ აქციის მონაწილეები.
ქუთაისის პარალელურად აქციები თბილისში, მარტვილსა და ბაღდათშიც მიმდინარეობს და როგორც აქციის ორგანიზატორები აცხადებენ, დღის მანძილზე 200 000-მდე ხელმოწერაა დაფიქსირებული.
19 დეკემბერს აქციის მონაწილეები პრეზიდენტის გადადგომის მოთხოვნით საქართველოს პარლამენტის წინ შეიკრიბენენ. საბოლოოდ კი, ხელმოწერებს „მსოფლიო კონგრესს“ გაუგზავნიან.
შორენა კაკაბაძე, ქუთაისი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
