13:43, Friday, 03.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ფოთის საკრებულომ თავმჯდომარედ „ნაციონალი“ აირჩია

27.12.2012

ინგა გვასალია, ფოთი

18 დეკემბერს ფოთის საკრებულოს სხდომაზე, „ქართული ოცნების“ მხარდამჭერთა პროტესტის მიუხედავად, „ნაციონალი“ დავით ბაბილუა საკრებულოს თავმჯომარედ აირჩიეს.

საკრებულოს ერთ-ერთმა ოპოზიციონერმა წევრმა მოგელი ტყებუჩავამ სხდომა პროტესტის ნიშნად დატოვა. ტყებუჩავა „ქართული ოცნების“ წარმომადგენელია. იგი საკრებულოს წევრებს სასამართლოში სარჩელის შეტანით დაემუქრა.

საკრებულოს თავმჯდომარედ ბაბილუას არჩევამდე ერთი დღით ადრე საკრებულოს სხდომა „ქართული ოცნების“ მხარდამჭერების ხმაურის  გამო ჩაიშალა, რადგან „ქართული ოცნების“ მხარდამჭერები ფოთის საკრებულოს თავმჯდომარის პოსტზე სწორედ „ნაციონალური მოძრაობის“ წევრის დავით ბაბილუას არჩევას არ ეთანხმებოდნენ. 

აქციის მონაწილეები საკრებულოს გადადგომასა და საკრებულოს თავმჯდომარედ გამარჯვებული პარტიის, „ქართული ოცნების" წარმომადგენლის, მოგელი ტყებუჩავას არჩევას მოითხოვდნენ. თავად ტყებუჩავა კი  აქციის მონაწილეებთან კავშირს უარყოფდა.

შეგახსენებთ, ფოთის საკრებულოს თავმჯდომარის ადგილი ვაკანტური მას შემდეგ გახდა, რაც მიმდინარე წლის 6 დეკემბერს, ივანე საღინაძემ თანამდებობიდან წასვლის შესახებ განცხადება დაწერა.

საკრებულოს „ნაციონალურმა“ უმრავლესობამ აქციის მონაწილეთა მოთხოვნები და  ქმედებები ზეწოლად შეაფასა, რაზეც აქციის მონაწილეებმა უპასუხეს: „9 წლის განმავლობაში თქვენგან გვქონდა ზეწოლა და ახლა რეალობას უნდა შეხედოთ და დროზე წახვიდეთ თქვენით. გეყოთ, რაც იჯეჯილეთ და ჭამეთ. უკვე დამპლის სუნი ასდის თქვენს სკამებს. გაანადგურეთ ქალაქი და კიდევ გსურთ თბილად აქ ყოფნა? თქვენ რასაც ზეწოლას ეძახით, ეს ხალხის მოთხოვნაა“.

„ქართული ოცნების“ აქტივისტები საკრებულოს წევრების მიმართ პრეტენზიებს ხმამაღლა გამოთქვამდნენ. აქციის ერთ-ერთმა მონაწილემ ყოფილ საკრებულოს თავჯდომარეს ვანო საღინაძეს წამოაყვედრა: „რა გააკეთე ქალაქისთვის შენი მოღვაწეობის განმავლობაში, გარდა იმისა, რომ შენი ძმა, ნათესავები და ახლობლები ჩამოიყვანე ხონიდან და დაასაქმე, ფოთელები კი უმუშევრები ვართ“. საკრებულოს წევრ დარეჯან ცხვიტარიასაც შეახსენეს, არჩევნებამდე როგორ ემუქრებოდა „ოცნების“ ერთ-ერთ  აქტივისტს, რაც ცხვიტარიამ უარყო. 

საკრებულოს თავმჯდომარის მოვალეობის შემსრულებელმა მაგდა მენაბდემ წესრიგის დასამყარებლად პოლიციელები გამოიძახა, მაგრამ მათ მოქალაქეებისთვის დაშლისკენ არ მოუწოდებიათ და საკრებულოს წევრთა ახსნა-განმარტების აღების შემდეგ შენობა დატოვეს.

რაც შეეხება ფოთის საკრებულოს ახალ თავმჯდომარეს, დავით ბაბილუას, როგორც იგი დღეს აცხადებს „ნაციონალური“ პარტიის წევრი არასოდეს ყოფილა. არადა,  საკრებულოს წევრი 2010 წლის ადგილობრივ არჩევნებში სწორედ „ნაციონალების“ სიით გახდა. ბაბილუა ასევე აქტიურად იყო ჩართული საპარლამენტო არჩევნებში. უფრო მეტიც, ის დეპუტატობის ერთ-ერთ კანდიდატადაც კი სახელდებოდა.

ბაბილუა ფოთში ერთ-ერთ ცნობილ მსხვილ ბიზნესმენადაა ცნობილი. იგი  2004 წლიდან კომპანია „პალიასტომი-2004-ს“ დირექტორი გახლავთ.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC