07:51, Saturday, 14.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კრისტოფ შტრასერი: „საქართველოში ამოქმედებული კანონი ამნისტიის შესახებ სამაგალითოა“

25.03.2013
ბუნდესთაგის სოციალ-დემოკრატიული ფრაქციის წევრმა, ადამიანის უფლებათა დამცველმა კრისტოფ შტრასერმა საქართველოში ამოქმედებულ ამნისტიის შესახებ კანონს სამაგალითო უწოდა.

„საქართველო არის პირველი ქვეყანა, სადაც პოლიტპატიმრები ევროსაბჭოს მიერ დადგენილი კრიტერიუმებით გათავისუფლდნენ. ეს კანონი შესაძლოა, იქცეს მაგალითად რეგიონის სხვა სახელმწიფოებისთვისაც. იმედს გამოვთქვამთ, რომ ამნისტიის კანონი საქართველოს საზღვრებს გასცდება“, - ნათქვამია  გერმანიის ბუნდესთაგის სოციალ-დემოკრატიული ფრაქციის განცხადებაში (http://www.christoph-straesser.de/meldung.php?meldung=2777&page; http://www.fidh.org/Georgian-political-prisoners-13043).

„ადამიანის უფლებათა საერთაშორისო ფედერაცია“ და „ადამიანის უფლებათა ცენტრი საქართველოში“ ხელისუფლებას მოუწოდებენ, შეიქმნას სპეციალური კომისია პოლიტიკური პატიმრების შესახებ ამნისტიის კანონის ამოქმედებამდე გათავისუფლებულ პოლიტპატიმართა საქმეების შესასწავლად და მათთვის შესაბამისი სტატუსის მისანიჭებლად; მოხდეს შესაძლო პოლიტპატიმართა საქმეების შემდგომი გამოძიება; განხორციელდეს მართლმსაჯულების სისტემის შემდგომი რეფორმა, ასევე მოხდეს საქართველოს მიერ რატიფიცირებულ ადამიანის უფლებათა საერთაშორისო და რეგიონულ ინსტრუმენტებთან შესაბამისობის უზრუნველყოფა.

აღსანიშნავია, რომ 2009 წლის ანგარიშში „ეკლები ვარდების შემდეგ“ „ადამიანის უფლებათა საერთაშორისო ფედერაციამ“ და ადამიანის უფლებათა ცენტრმა გამოიყენეს პოლიტიკური პატიმრების სტატუსის დადგენის ევროპის საბჭოს კრიტერიუმები საქართველოში ასეთი პატიმრების არსებობის ხაზგასასმელად. ეს კვლევა კონცენტრირებული იყო 8 საქმეზე, რომლებშიც ხაზგასმული და შესწავლილი იყო პოლიტიკური დევნის ნიშნები. ორი პატიმარი, რომელთა სტატუსიც დადგინდა ამ კვლევაში, გაათავისუფლეს ამნისტიის შესახებ კანონის ფარგლებში, ხოლო დანარჩენებმა დატოვეს სასჯელაღსრულების დაწესებულებები სასჯელის ვადის ამოწურვისთანავე, ამ კანონის მიღებამდე.

„ადამიანის უფლებათა საერთაშორისო ფედერაციის“ მიზანია, ადამიანის უფლებათა საყოველთაო დეკლარაციაში და სხვა საერთაშორისო დოკუმენტებში განსაზღვრული უფლებების დაცვა. 86 ქვეყნის 105-ზე მეტი ორგანიზაცია ძირითადად წარმოადგენს გამოცდილებისა და სოლიდარობის ქსელს, რომელიც აფიქსირებს ბევრ ქვეყანაში არსებულ დარღვევებს და რომელიც აბსოლუტურ ნდობას იმსახურებს.http://www.fidh.org/

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC