დღეს, 18:00 საათზე აჭარის მთავრობის სახლთან საქართველოს ახალგაზრდა იურისტთა ასოციაციის ბათუმის ფილიალი, არასამთავრობო ორგანიზაციები, მოქალაქეები, სტუდენტები ერთად გამართავს საპროტესტო აქციას. აქციის სლოგანია „ნუ აყალბებთ“.
აქცია შეეხება 28 მარტს, ბათუმში მომხდარი ინციდენტის _ საიას წარმომადგენლებსა და აჭარის მთავარი სამმართველოს უფროსს ვალერი თელიას შორის, საქართველოს შსს გენინსპექციის მიერ მომზადებულ დასკვნას.
შეგახსენებთ, რომ 2 აპრილს, შინაგან საქმეთა სამინისტროს საიტზე განთავსდა გენერალური ინსპექციის დასკვნა: „გენერალურმა ინსპექციამ დაიწყო სამსახურებრივი შემოწმება, რის შედეგადაც ,,ავერსი"-ს აფთიაქის ვიდეომეთვალყურეობის კამერიდან ამოღებული ვიდეოჩანაწერითა და გამოკითხული პირების ახსნა-განმარტებებით არ დადასტურდა ვალერიან თელიას მიერ სამსახურებრივი გადაცდომა“.
გენინსპექციის დასკვნას სრულად იზიარებს აჭარის მთავრობის თავმჯდომარე არჩილ ხაბაძე: „დეტალები სრულად არ ვიცი, მაგრამ ეს დასკვნა, რეალურად უნდა იყოს სამართლიანი. შესაბამისად, ამ დასკვნას ვენდობი“.
მაკა მალაყმაძე, აჭარა
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
