19:46, Wednesday, 16.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ტრავერტინებს ბუნების ძეგლის სტატუსი მიენიჭება

04.06.2013

მცხეთა-მთიანეთის საინფორმაციო ცენტრის ფოტოები
 
                                                          თამთა თვალავაძე

ამჟამად ყაზბეგში, მჟავე წყლების მთის - ტრავერტინების მიმდებარე ტერიტორიაზე გვირაბის  სარეაბილიტაციო სამუშაოები შეჩერებულია. გარემოს დაცვის სამინისტროში ამბობენ, რომ მშენებლობა, რომლის შედეგადაც ტრავერტინები დაზიანდა, უკანონო არ ყოფილა, რადგან ამ ადგილს ძეგლის სტატუსი არ ჰქონია. თუმცა, როგორც დაცული ტერიტორიების სააგენტოში აცხადებენ, მომავალში მსგავსი ფაქტების თავიდან  ასაცილებლად, ტრავერტინების  მიმდებარე ტერიტორიას,  ბუნების  ძეგლის სტატუსი მიენიჭება.

ტრავერტინების ველი,  ყაზბეგის ტურისტული მარშრუტის შემადგენელი ნაწილია, რომლის  არსებობაც  განაპირობებს ამ მიდამოებში მინერალური წყლების წარმოშობას. ტრავერტინების დაზიანების შესახებ ინფორმაცია არასამთავრობო ორგანიზაცია „სტეფანწმინდამ“  რამდენიმე დღის წინ გაავრცელა.  ორგანიზაციის წარმომადგენლების ინფორმაციით, გზა ტრავერტინებზე  გაიყვანეს.  

საავტომობილო გზების დეპარტამენტის  საზოგადოებასთან ურთიერთობის სამსახურის უფროსის ,რუსუდან ხუბულავას , განცხადებით, ტრავერტინებზე საავტომობილო გზის გაყვანა გადაუდებელი აუცილებლობით იყო გამოწვეული.

„ყაზბეგის გზაზე სამი გვირაბის რეაბილიტაცია მიმდინარეობს. ერთ-ერთ გვირაბთან  მშენებლებს მოუწიათ, რომ ამ მჟავე წყლების ტერიტორიას შეხებოდნენ. ამ ადგილას აღმოჩნდა კოლექტორი, რომელიც გრუნტის წყლებს ატარებს. მისი გადაადგილება აუცილებელი გახდა იმისთვის, რომ გვირაბის სავალი ნაწილის ჩაღრმავება მოხდეს, ამით გვირაბის სიმაღლე გაიზრდება და უფრო გამტარიანი გახდება. სხვა ნაწილში ტრავერტინებს არ შეეხებიან,“ - განუცხადა მცხეთა-მთიანეთის საინფორმაციო ცენტრს რუსუდან ხუბულავამ.

ინფრასტრუქტურის  მინისტრის  მოადგილის,  შოთა  მურღულიას თქმით, კი აღნიშნულ ტერიტორიაზე გზის გაყვანა, არანაირ  სპეციალურ ნებართვას არ საჭიროებდა: 

“ეს არ იყო არც ძეგლი და არც  რაიმე ნებრათვა  სჭირდებოდა კონტრაქტორს, რომ  გვირაბის გზაზე  გაევლო,  20-25 წელი გვირაბი, რომ იყო მიტოვებული, ამიტომაც მოხდა ეს. ადამიანის  სიცოცხლე უფრო მეტია, ვიდრე სილამაზე”. - აღნიშნა მურღულიამ. 

გარემოსა და ბუნებრივი რესურსების სამინისტროს სსიპ დაცული ტერიტორიების სააგენტოც ადასტურებს, რომ გუდაური-კობის  მონაკვეთზე დაზიანებულ ტრავერტინებს ბუნების ძეგლის სტატუსი არ ჰქონია. 

ტრავერტინების  დაზიანებას კი,  მწვავე განცხადებებით გამოეხმაურნენ გარემოსდაცვითი ორგანიზაციები. “მწვანე ალტერანტივამ” პეტიციაც გაავრცელა, რომელშიც აღნიშნულია, რომ დაზიანების საფრთხე ემუქრება თრუსოს ხეობის მინერალურ ტბასა და ტრავერტინებს, დარიალისა და ხდის ხეობებს, გოდერძის უღელტეხილის  ნამარხ ტყეს. ამიტომ, ორგანიზაცია, საქართველოს მთვარობას გუდაური-კობის საავტომობილო  გზაზე ტრავერტინების  დაზიანების ფაქტის  გამოძიებისკენ,  ხოლო  საქართველოს პარლამენტს  “ბუნების ძეგლების შექმნისა და მართვის შესახებ” კანონპროექტის დაჩქარებული წესით განხილვისკენ მოუწოდებს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC