05:04, Saturday, 11.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თბილისის მერიის მაღალჩინოსნებს წინასწარი პატიმრობა შეეფარდათ

02.07.2013

 
 სივილ ჯორჯია 

რუსთავის საქალაქო სასამართლომ 30 ივნისს თბილისის მერიის ოთხ მაღალჩინოსანს, რომელთაც ბიუჯეტის კუთვნილი 48.9 მილიონი ლარის მითვისება–გაფლანგვა ედებათ ბრალად, წინასწარი პატიმრობა შეუფარდა. 

თბილისის მერის მოადგილე დავით ალავიძე, თბილისის განვითარების ფონდის თავმჯდომარე დავით ავალიანი, თბილისის შესყიდვების სამსახურის უფროსი ალექსი თაბუაშვილი და მთაწმინდის გამგებლის მოადგილე დიმიტრი ჩხეიძე 27 ივნისს დილით დააკავეს მერიის კიდევ 19 თანამშრომელთან ერთად; თუმცა, მოგვიანებით ისინი ბრალის წაყენების გარეშე გაათავისუფლეს; მოგვიანებით იმავე დღეს ეს ოთხი თანამშრომელი კვლავ დააკავეს.

დაახლოებით მსგავსი რამ, გათავისუფლების და შემდეგ დაკავების კუთხით, რუსთავის სასამართლოშიც მოხდა, რადგან მოსამართლემ დააკმაყოფილა როგორც დაცვის მხარის, ისე ბრალდების მხარის შუამდგომლობები. 
  
თავდაპირველად მოსამართლემ ადვოკატების შუამდგომლობა დააკმაყოფილა იმასთან დაკავშირებით, რომ ოთხივე მაღალჩინოსანი სისხლის სამართლის საპროცესო კოდექსის ნორმების დარღვევით დააკავეს; შედეგად, მოსამართლემ ოთხივე პირის დაუყონებლივ გათავისუფლების განკარგულება გასცა. 

თუმცა,  მოგვიანებით იმავე დღეს მიღებულ ცალკე გადაწყვეტილებაში მოსამართლემ დააკმაყოფილა ბრალდების მხარის შუამდგომლობა და თბილისის მერიის ოთხი თანამშრომლისთვის წინასწარი პატიმრობის შეფარდების განკარგულება გასცა.

მიუხედავად იმისა, რომ მერიის ოთხივე თანამშრომელი თბილისში დააკავეს, აღმკვეთი ღონისძიების შეფარდებაზე მოსმენა რუსთავის სასამართლოში გაიმართა.

ამ გადაწყვეტილებას დაკავებულთა და ნაციონალური მოძრაობიდან მათი მხარდამჭერების, მათ შორის თბილისის მერის გიგი უგულავას პრეტენზიები მოყვა. მათი ვარაუდით, საქმე იმიტომ გადაეცა რუსთავის სასამართლოს, რომ გამომძიებლებს უფრო გაადვილებოდათ, როგორც მათ განაცხადეს, რუსთავის სასამართლოზე გავლენის მოხდენა. ფინანსთა სამინისტროს საგამოძიებო სამსახურმა, რომელიც საქმეს იძიებს, განაცხადა, რომ საქმის რუსთავის გამომძიებლებისთვის გადაცემა მას შემდეგ გადაწყვიტა, რაც მერიის ოთხმა დაკავებულმა თანამშრომელმა გამომძიებლებს თბილისში უნდობლობა გამოუცხადა; დაკავებულთა ადვოკატებმა განაცხადეს, რომ მათი დაცვის ქვეშ მყოფები ზოგადად ფინანსთა სამინისტროს საგამოძიებო სამსახურის მიერ წარმოებულ გამოძიებას უცხადებენ უნდობლობას.

რუსთავის საქალაქო სასამართლომ დაუსწრებლად შეუფარდა წინასწარი პატიმრობა თბილისის განვითარების ფონდის ყოფილ ხელმძღვანელს გიორგი საბანაძეს, რომელსაც ასევე აქვს წაყენებული ბრალი იმავე საქმეზე; გამომძიებლების თქმით საბანაძე საქართველოში არ იმყოფება.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC