19:07, Tuesday, 31.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

“ტელეარხ 25-ს” დირექტორი მთავრი პროკურატურის ზეწოლაზე საუბრობს

27.01.2014
 
მაკა მალაყმაძე, აჭარა

ტელეკომპანია „ტელეარხი 25“-ის დირექტორი გიორგი სურმანიძე საქართველოს მთავარ პროკურატურას ზეწოლაში ადანაშაულებს. ამის შესახებ ოფიციალური წერილით, სურმანიძემ საქართველოს პრემიერ-მინისტრსა და საელჩოებს მიმართა. 

როგორც განცხადებაშია აღნიშნული, 2013 წლის 17 დეკემბერს „ტელეარხ 25-ს“ დამფუძნებელი და დირექტორი გიორგი სურმანიძე და მფლობელი ჯემალ ვერძაძე საქართველოს მთავარ პროკურატურაში დაიბარეს: „საღამოს მისულები, დილის ხუთ საათამდე გაგვაჩერეს, ყოველგვარი დაკითხვის ოქმის გაფორმებისა და შესაბამისი პროცედურების გავლის გარეშე“. 

სურმანიძის განცხადებით, მთავარი პროკურატურის გამომძებლები და მაღალჩინოსნები, მათგან კონკრეტული გვარების დასახელებას ითხოვდნენ: „ისინი ჩვენგან მოითხოვდნენ დაგვედასტურებინა, თითქოს 2012 წლის 24 თებერვალს ტელეარხ 25-ის წილების გასხვისება მოხდა საქართველოს იმდროინდელი ხელისუფლების პირველი პირების უშუალო მონაწილეობითა და ორგანიზებით. მოითხოვდნენ დაგვესახელებინა ზურაბ ადეიშვილის, დავით ჩხატარაშვილისა და ლაშა ნაცვლიშვილის გვარები, რომლებიც ე.წ. „დანაშაულებრივი გარიგების“ ორგანიზატორებად და მფარველებად უნდა წარმოგვეჩინა. თუ მათ დავალებას არ შევასრულებდით, ყველაფერს დავკარგავდით და მთელ ცხოვრებას ციხეში გაგვატარებინებდნენ“. 

„ტელეარხ 25-ს“ დირექტორი მთავრი პროკურატურის ქმედებას მედიაზე ზეწოლად აფასებს: „ვფიქრობთ, ჩვენების ჩამორთმევისა და მოწმეების მიმართ განხორციელებული ზეწოლის ზემოაღნიშნული მეთოდები, ან ანგარიშების დაყადაღების მეშვეობით საარსებო წყაროების გადაკეტვა, სცდება ხელისუფლების მიერ გაცხადებულ კეთილშობილურ კურსს“, - აღნიშნულია განცხადებაში.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC