02:55, Friday, 05.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პატიმარ ლევან კორტავას საქმეზე 6 პირი საბოლოოდ გაასამართლეს

12.09.2014
 
შორენა კაკაბაძე, ქუთაისი

ოთხ მსჯავრდებულს 14, ორს კი - 15 და 20 წლით თავისუფლების აღკვეთა - ასეთია საბოლოო განაჩენი, რომელიც 11 სექტემბერს ქუთაისის საქალაქო სასამართლომ სასჯელაღსრულების მე-14 დაწესებულების პატიმარ ლევან კორტავას ცემის, ჯანმრთელობის განზრახ დაზიანებისა და გარდაცვალების ფაქტზე გამოიტანა. 

24 წლის ლევან კორტავა 2013 წლის 23 მაისს სხეულის მძიმე დაზიანებების შედეგად ციხეში გარდაიცვალა. სისხლის სამართლის საქმის გამოძიების მიხედვით, პატიმრებს შორის დაპირისპირებას თან მოჰყვა კორტავას ცემა, სააბოლოოდ კი - მისი გარდაცვალება. 

პატიმრის ცემისა და გარდაცვალების გარდა, გამოძიება, რომელსაც დასავლეთ საქართველოს საოლქო პროკურატურა აწარმოებდა, ბრალდებულებს ქურდული სამყაროს წევრობაშიც ადანაშაულებდა. ქუთაისის საქალაქო სასამართლომ ამ მიმართულებითაც დააკმაყოფილა პროკურატურის შუამდგომლობა და მე-14 დაწესებულების პატიმრები დამნაშავედ სცნო.

აღნიშნულთან დაკავშირებით მთავარ პროკურატურაში პროკურორმა ჯარჯი წიკლაურმა განაცხადა: „სასამართლომ სრულად გაიზიარა პროკურატურის მტკიცებულებები. ქუთაისის საქალაქო სასამართლომ ოთხ პირს 14 წლით, ორს კი 15 და 20 წლით თავისუფლების აღკვეთა მიუსაჯა. გარდა ამისა, გრძელდება სისხლის სამართლის საქმის განხილვა სასჯელაღსრულების მე-14 დაწესებულების ყოფილი თანამშრომლების მიმართ როგორც ამ, ისე სხვა ეპიზოდთან დაკავშირებით“.

მტკიცებულებათა ფალსიფიკაცია, სამსახურებრივი გულგრილობა, სხეულის განზრახ მძმე დაზიანებაში პატიმრების დახმარება, რამაც საბოლოოდ სიცოცხლის მოსპობა გამოიწვია - ეს ის ბრალდებებია, რომლის მიხედვით დასავლეთ საქართველოს საოლქო პროკურატურამ ქუთაისის საქალაქო სასამართლოს შუამდგომლობით მიმართა და გეგუთის მე-14 დაწესებულების ადმინისტრაციის ყოფილ თანამშრომელთა მიმართ აღმკვეთ ღონისძიებად პატიმრობის შეფარდება მოითხოვა.

მომხდარის შემდეგ გარდაცვლილი ლევან კორტავას ოჯახის წევრები აცხადებდნენ, რომ გეგუთის მე-14 დაწესებულებაში კვლავ ძველი რეჟიმია და ციხეში ე.წ. მაყურებლები კვლავ არიან.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC