04:59, Saturday, 06.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კამპანია „ეს შენ გეხება - ისევ გვისმენენ“ გრძელდება - აქცია რუსთაველის გამზირზე

22.12.2014

 
მაკა შამუგია

კამპანიამ „ეს შენ გეხება - ისევ გვისმენენ“ 19 დეკემბერს მორიგი აქცია გამართა. აქციის ფარგლებში ერთი საათის განმავლობაში რუსთაველის გამზირზე, პარლამენტის შენობიდან ოპერის თეატრამდე ტროტუარების კიდეებზე პლაკატები იყო გაშლილი. 

ამ გზით კამპანიაში მონაწილე არასამთავრობო ორგანიზაციებმა გააპროტესტეს ფარულ მიყურადებასთან დაკავშირებით პარლამენტის მიერ მიღებული კანონი „პერსონალური მონაცემების დაცვის შესახებ“,  რომლის თანახმად,  ფარულ მოსმენებზე კონტროლი კვლავ შსს-ს ხელში დარჩა. კამპანია „ეს შენ გეხება“ აგრძელებს ბრძოლას ევროპული სრულფასოვანი მოდელის ჩამოსაყალიბებლად.

„მოდელი, რომელიც პარლამენტმა მიიღო, ჩვენ ხედვით, მანკიერია. დღევანდელი აქციით ჩვენ კიდევ ერთხელ ხაზს ვუსვამთ მის უარყოფით მხარეებს და პლაკატებზე განთავსებული შეტყობინებებიც ამაზე მიანიშნებს. გარდა ამისა, იგეგმება საკონსტიტუციო სარჩელის მომზადება. იურისტები ამ საკითხზე უკვე მუშაობენ. უახლოეს მომავალში დავაანონსებთ, როდის შევიტანთ და რა შინაარსის შემცველი იქნება ეს სარჩელი. ასევე ვმუშაობთ ახალ მოდელზე, რომელიც ცვლილებების სახით აისახება კანონში. ამ საკითხზე დავიწყებთ კონსულტაციას პოლიტიკურ პარტიებთან და სახელმწიფო ინსტიტუტებთან“, - განაცხადა სამოქალაქო განვითარების სააგენტოს დირექტორმა, ზვიად დევდარიანმა. 

კამპანია „ეს შენ გეხებას“ აქტივისტები  შეეცადნენ,  პლაკატებზე ასახული მესიჯებით კიდევ ერთხელ შეეხსენებინათ საზოგადოებისათვის, თუ რატომ არის მიუღებელი,  ფარულ მოსმენებზე და მიყურადებაზე „უკონტროლო კონტროლი“.

„ზოგადად, ეს ჩვენი ბრძოლა მოწოდებულია, რომ ადამიანებზე უკანონო ფარული თვალთვალი, უკანონო მოსმენები არ განხორციელდეს. ეს ბრძოლა დღეს და გუშინ არ დაწყებულა. ჩვენ აქტიურად ვიყავით ჩართული კანონმდებლობის მომზადებაში და მივაღწიეთ კიდეც რამდენიმე დადებით ცვლილებას ამ მხრივ, მაგრამ მთავარი მიზანი - არ დაირღვეს საქართველოს მოქალაქის უფლებები და ყველანი დაცული ვიყოთ უკანონო მოსმენებისგან, სამწუხაროდ, ვერ შესრულდა. კანონში დარჩა ნორმა, რის საფუძველზეც შსს-ს შეუძლია, კონტროლის გარეშე, ერთპიროვნულად განახორციელოს მოსმენა და თვალთვალი. კამპანია „ეს შენ გეხება“ გაგრძელდება მანამდე, ვიდრე ეს ნორმა კანონით არ გაუქმდება“, - განაცხადა ადამიანის უფლებათა ცენტრის აღმასრულებელმა დირექტორმა, ალეკო ცქიტიშვილმა. 
აქციის მონაწილეებს შემდეგი შინაარსის პლაკატებით ეჭირათ: „შინაგან საქმეთა სამინისტრო - შენი ერთგული მესაიდუმლე“, „უკონტროლო მოსმენები დაკანონდა“, „ჩვენ საიდუმლოს შენახვა ვიცით, შსს“, „ჩვენ გვესმის თქვენი ისე, როგორც არავის - შსს“, „ისმინეთ ჩვენი ხმა - ნუ გვისმენთ“. ამ პლაკატების საშუალებით, აქციის მონაწილეები შეეცადნენ, სათქმელი სწორად მიეტანათ როგორც ხალხისთვის, ასევე ხელისუფლების წარმომადგენელთათვის.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC