23:21, Tuesday, 31.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მოვაჭრეებისა და ინვესტორის ულტიმატუმი გორის მერიას

24.02.2015

 
ლადო ბიჭაშვილი, შიდა ქართლი

გორში ქალაქის ცენტრიდან ბაზრის გარეუბანში გადატანამ მოვაჭრეების პროტესტი გამოიწვია. რამდენიმე გამაფრთხილებელი აქციის შემდეგ მოვაჭრეების ნაწილმა ბაზრის ტერიტორიის სკვერი დაიკავა და იქ კუსტარულად მოწყობილ დახლებზე ეწევიან კომერციულ საქმიანობას. მოვაჭრეები ბაზრის მფლობელს, ებრაელ ინვესტროს უპირისპირდებიან.

ქალაქ გორში ოთხი მსხვილი სავაჭრო ობიექტია, სამ სავაჭრო ცენტრში დასაქმებულები ქალაქის მერიას ულტიმატუმს უყენებენ, ან გარე ვაჭრობა აკრძალონ, ან წინააღმდეგ შემთხვევაში ისინიც დაუბრუნდებიან ძველ ბაზარს,  რომლის ტერიტორიის ნაწილი ამ დროისთვის დემონტაჟის პროცესშია. 
 
გორის მერიისგან გარევაჭრობის აკრძალვას და მათი კუთვნილი ტერიტორიიდან სავაჭრო დახლების დემონტაჟს კი  ,,ისრაელი-საქართველოს პროექტების მენეჯმენტი“ მოითხოვს, აღნიშნული კოპანიის მფლობელობაში ძველი ბაზრის ტერიტორიაა.   კომპანიის იურისტი   ადგილობრივი ხელისუფლებისგან ხელშეკრულებით  ნაკისრი ვალდებულებების შესრულებას მოითხოვს.

,,მივმართეთ მერიას, პრეზიდენტს, პრემიერ-მინისტრსა და პარლამენტის თავმჯდომარეს,  მაგრამ ამან შედეგი არ გამოიღო.  ბაზრის მეპატრონეს, ებრაელ ინვესტორს გადაწყვეტილი აქვს, რომ BBC- სა და  CCN-ს  მისცეს ინტერვიუ  იმის შესახებ, რომ საქართველოში ინვესტიციის ჩადება სახიფათოა. ამ ეტაპისთვის ვთხოვთ, რომ თავი შეიკავოს და სხვა გზებით ვიმოქმედოთ. ფაქტია, რომ ინვესტორთან გაფორმებული  ხელშეკრულებით ნაკისრი ვალდებულებები დაარღვია როგორც წინა, ისე ახალმა ხელისუფლებამ. ნაციონალური მოძრობის ხელისუფლებაში ყოფნის დროს ინვესტორს იძულებით აყიდინეს მიწა,  გააკეთებინეს ბაზარი, პირობა იყო ის, რომ მოვაჭრეები ავიდოდნენ და ახალი ბაზარი დაიტვირთებოდა. ხელისუფლების შეცვლის შემდეგ კიდევ გაფორმდა ახალი ხელშეკრულება იგივე პირობით, თუმცა  მერია არ თუ ასრულებს, არამედ ხელს უშლის და არაფერს აკეთებს იმისთვის,  რომ უკანონო ვაჭრობა აიკრძალოს. ახალი ბაზრის მშენებლობა  რამდენიმე მილიონი დაჯდა. სავაჭრო ობიექტი ყველა პირობას აკამაყოფილებს, თუმცა  დახლები ცარიელია “, - განაცხადა „ისრაელი- საქართველოს პროექტების მენეჯმენტის“  იურისტმა, გოგი გურასპაშვილმა.

ქალაქის მერს რამდენიმე სავაჭრო ობიექტის მოვაჭრეებიც შეხვდნენ, ისინიც ადგილობრივი  ხელისუფლებისგან გარევაჭრობის აკრძალვას მოითხოვდნენ, ამის მიზეზად კი მყიდველის ნაკლებობა დაასახელეს. 

ქალაქის მერის, ზურაბ ჯირკველიშვილის განცხადებით, ძველი ბაზრის ტერიტორია კერძო საკუთრებაშია და იქ ვაჭრობის რეგულაციას მერია ვერ მოაწესრიგებს: „გარე ვაჭრობა აკრძალულია, ამიტომ ურჩი მოვაჭრეები არსებული კანონმდებლობის მიხედვით დაჯარიმდებიან“.

ებრაელი ინვესტორი გურამიშვილის სკვერში თვითნებურად შესულ მოვაჭრეებს ჰპირდება, რომ რამდენიმე თვეში, დახლების ღირებულების თანხის გადახდის გარეშე მისცემს ვაჭრობის უფლებას. თუმცა, მოვაჭრეები ბაზრის ძველ ტერიტორიაზე კომერციული საქმიანობის გაგრძელებას ითხოვენ,  რასაც  ინვესტორი კატეგორიულად გამორიცხავს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC