08:59, Sunday, 12.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პარლამენტმა საყდრისის საკითხზე საგამოძიებო კომისიის შექმნას მხარი არ დაუჭირა

05.03.2015
 
ნათია გოგოლაშვილი 

4 მარტს პარლამენტში „თავისუფალი დემოკრატების“ ინიციატივა ჩავარდა. კანონმდებლებმა საყრდრისის საბადოს საკითხის შემსწავლელი კომისიის შექმნას მხარი არ დაუჭირეს. 55 მომხრე და 3 წინააღმდეგი - ასეთი იყო გუშინდელი კენჭისყრის შედეგი. ინიციატივას უმრავლესობის წევრთა დიდმა ნაწილმა მხარი არ დაუჭირა. კომისიის შექმნისათვის კი მინიმუმ 76 დეპუტატის ხმა იყო საჭირო.

პარლამენტის ფრაქცია „ქართული ოცნება-მრეწველების“ მდივნის, ზურაბ ტყემალაძის განცხადებით, პარლამენტარები ვერ გადაწყვეტენ საყდრისის საბადო არის თუ არა კულტურული მემკვიდრეობა, რადგან ამ საკითხზე თავად მეცნიერებიც ვერ თანხმდებიან. ამიტომ ტყემალაძე კომისიის შექმნას მიზანშეწონილად არ მიიჩნევს.

პარლამენტის ფრაქცია „ქართული ოცნების“ თავმჯდომარის გია ვოლსკის განცხადებით, ამ კომისიის შექმნა სკანდალის მოწყობაზეა ორიენტირებული: „ისეთი კომისიის შექმნას, რომელიც მოწოდებულია და ორიენტირებულია გარკვეული სკანდალის შექმნაზე, მხარს ვერ დავუჭერთ“.

ერთიანი ნაციონალური მოძრაობის წევრის ნუგზარ წიკლაურის განცხადებით კი, საპარლამენტო უმრავლესობისთვის ივანიშვილის სურვილი უფრო მნიშვნელოვანია, ვიდრე კულტურული მემკვიდრეობა: „საპარლამენტო უმრავლესობისათვის უფრო მნიშვნელოვანია ივანიშვილის სურვილი, რომ საყდრისის საბადოზე ოქროს მოპოვება გაგრძელდეს, ვიდრე ის, რომ ხუთიათასწლოვანი ძეგლი არ განადგურდეს“.

სერგო რატიანის თქმით, პარლამენტში საყრდრისის საბადოს საკითხის შემსწავლელი კომისიის შექმნასთან დაკავშირებით ინიციატივას კიდევ შეიტანენ. 
საყდრისის გადარჩენის კომიტეტის წევრის ეკატერინე სოხაძის თქმით, ისინი ბრძოლას არ შეწყვეტენ. საპროტესტო აქციების დაწყებაზე საუბრობს კომიტეტის წევრი ირაკლი მამალაძე. 

შეგახსენებთ, რომ საყდრისის გარშემო განვითარებული მოვლენების შემსწავლელი დროებითი საგამოძიებო კომისიის შექმნის ინიციატივით "თავისუფალმა დემოკრატებმა" პარლამენტს ჯერ კიდევ 2014 წლის დეკემბერში მიმართა. 25 დეკემბრის პარლამენტის სხდომაზე ამ ინიციატივას 58 დეპუტატმა დაუჭირა მხარი.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC