05:06, Wednesday, 05.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მრგვალი მაგიდა რეპატრირებული მესხების ბინადრობის პრობლემებზე

24.07.2015

 
ნინო ქიმაძე

13 ივლისს თბილისის ადამიანის უფლებათა სახლის წარმომადგენლებმა რეპატრირებული მესხების ბინადრობის პრობლემებთან დაკავშირებით მრგვალი მაგიდა გამართეს. თბილისის ადამიანის უფლებათა სახლი სამართლებრივ დახმარებას უწევს იუნუს არიფოვსა და დილარა არიფოვას, რომელთა ბინადრობის შესახებ უფლებადამცველთა მიერ სასამართლოში შეტანილი სარჩელი არ დაკმაყოფილდა. 

თბილისის ადამიანის უფლებათა სახლის გამგეობის თავმჯდომარის, ნინო ელბაქიძის განცხადებით, რეპატრირებულ მესხებს სამართლებრივი პრობლემების გარდა სოციალური პრობლემებიც აქვთ. 

გამგეობის თავმჯდომარის თქმით, არსებობს საკანონმდებლო ხარვეზი და სასამართლო პრაქტიკაც უძლურია. ელბაქიძე მიჩნევს, რომ ამ ადამიანების მხარდამჭერი სასამართლო გადაწყვეტილება პრაქტიკულად არ არსებობს. 

სამცხე-ჯავახეთის რეგიონული ასოციაცია „ტოლერანტის“ თავმჯდომარის, ცირა მესხიშვილის განცხადებით, საქართველოში რეპატრიაციის პროცესი, ფაქტობრივად, არ მიმდინარეობს. მისი თქმით, რეპატრიაცია რთული და ხანგრძლივი პროცესია. 

ასოციაცია „ტოლერანტის“ ინფორმაციით, საქართველოში მცხოვრებ 140 რეპატრირებულ მესხს ბინადრობის პრობლემები აქვს, აქედან 52 მათგანი სამცხე-ჯავახეთში ცხოვრობს.

სახალხო დამცველის ანგარიშის თანახმად, საერთაშორისო დონეზე ნაკისრი ვალდებულებების შესაბამისად, რეპატრიაციის პროცესი 2012 წლმდე უნდა დასრულებულიყო, თუმცა სტატუსის მაძიებელთა რიცხვი კვლავ დიდია. დევნილთა სამინისტროში, ამჟამად, 5000-ზე მეტი განცხადებაა რეპატრიანტის სტატუსის მოთხოვნით.

სახალხო დამცველის აპარატი მიიჩნევს, რომ რეპატრიაციის პროცესისთვის გარკვეული ვადები უნდა არსებობდეს, რაც ბევრად გაამარტივებდა ამ პრობლემას.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC