01:38, Wednesday, 15.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სტიქია კახეთში - თუშეთი გარე სამყაროს მოწყდა

21.08.2015
 
ლელა ხეჩოშვილი, კახეთი

20 აგვისტოს, კახეთში მოსული ძლიერი წვიმის შედეგად თუშეთთან მისასვლელი გზა დაზიანდა. თუშეთი გარე სამყაროს მოწყდა. ღვარცოფმა გზის 27–ე და 52 კილომეტრებზე სავალი ნაწილი წაიღო. თუშეთის მიმართულებით ავტოსატრანსპორტო მოძრაობა დროებით შეჩერებულია.

როგორც humanrights.ge-ს ახმეტის მუნიციპალიტეტის გამგებლის მოადგილემ, თამაზ ქავთარაშვილმა განუცხადა, ამჯერად აქტიურად მიმდინარეობს გზის  გაწმენდითი სამუშაოები. ადგილზე მობილიზებულია  კომპანია „თუშეთ ავტოგზის“ სპეციალური მძიმე ტექნიკა.

მისივე თქმით, 22 აგვისტოსთვის დაგეგმილი დღესასწაული „თუშეთობა“ შეუძლებელია, რომ ჩატარდეს, რადგან  სტიქიისგან გამოწვეული დაზიანებების გამო, თუშეთთან დამაკავშირებელ გზაზე ტრანსპორტის მოძრაობა ვერ მოხერხდება. ამიტომ „თუშეთობა“ 29 აგვისტოს გადაიდო.

„საავტომობილო გზების დეპარტამენტის მიერ გზის გაწმენდითი სამუშაოები აქტიურად მიმდინარეობს. დილიდანვე გასულია შესაბამისი ტექნიკა და ასუფთავებენ. ზუსტად არ ვიცით დღეს მოესწრება თუ არა გზის გახსნა, მაგრამ რომც მოესწროს, ხვალ დილითვე თუშეთში ასვლა და ღონისძიების ჩატარება შეუძლებელი იქნება. ამიტომ „თუშეთობა“ გადავდეთ“ – აღნიშნა თამაზ ქავთარაშვილმა.

20 აგვისტოს მოსულმა ძლიერმა სეტყვამ და ქარიშხალმა ყვარლის, ლაგოდეხისა და ახმეტის მუნიციპალიტეტები დააზარალა. განადგურებულია ვენახები,  საზამთროს ბაღები და საკარმიდამო მიწის ნაკვეთები. ძლიერმა ქარმა საცხოვრებელ სახლებს სახურავები გადახადა. დაიტბორა საცხოვრებელი სახლის პირველი სართულები და სარდაფები.

ქარიშხალმა  მოგლიჯა ხეებიც, რომელმაც ლაგოდეხი-ყვარლის ცენტრალური მაგისტრალი ჩახერგა და მოძრაობა იყო შეზღუდული. მთელი ღამის განმავლობაში საგანგებო სიტუაციების სამსახურის თანამშრომლები მუშაობდნენ ლაგოდეხის სოფლებში და დატბორილი საცხოვრებელი სახლებიდან წყალს ტუმბავდნენ. ზარალის რაოდენობა ჯერჯერობით უცნობია. დაზარალებულ სოფლებს არ მიეწოდება ელექტროენერგია.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC