00:17, Tuesday, 22.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ანგარიშის - „ქალი და არასრულწლოვანი პატიმრების მდგომარეობა საქართველოში“ პრეზენტაცია

08.09.2015

ხვალ, ადამიანის უფლებათა ცენტრი ანგარიშის - „ქალი და არასრულწლოვანი პატიმრების მდგომარეობა საქართველოში“ პრეზენტაცია

ხვალ, 13:00 საათზე, ეროვნული ბიბლიოთეკის საკონფერენციო დარბაზში ადამიანის უფლებათა ცენტრი გამართავს ანგარიშის - „ქალი და არასრულწლოვანი პატიმრების მდგომარეობა საქართველოში“ პრეზენტაციას.

ადამიანის უფლებათა ცენტრმა ანგარიში მოამზადა პროექტის - „ქალი და არასრულწლოვანი პატიმრების მდგომარეობის მონიტორინგი საქართველოში“ - ფარგლებში. პროექტი განხორციელდა ბულგარეთის საელჩოს ფინანსური მხარდაჭერით და სახალხო დამცველთან პარტნიორობით.

პროექტის ფარგლებში, საქართველოს სახალხო დამცველის მიერ მონიჭებული სპეციალური რწმუნებულების საფუძველზე, პრევენციის ეროვნული მექანიზმისა და სახალხო დამცველის ბავშვთა უფლებების ცენტრის წარმომადგენლების მონაწილეობით, ადამიანის უფლებათა ცენტრის მონიტორები ახორციელებდნენ გეგმიურ და არაგეგმიურ ვიზიტებს რუსთავის #5 ქალთა პენიტენციურ დაწესებულებაში, თბილისის #11 არასრულწლოვანთა სარეაბილიტაციო დაწესებულებაში და გლდანის #8 სასჯელაღსრულების დაწესებულების არასრუწლოვანთა განყოფილებაში. 

მონიტორინგის შედეგად #5 ქალთა პენიტენციურ დაწესებულებაში გამოვლენდა შემდეგი სახის პრობლემები: ე. წ. სრული შემოწმების დამამცირებელი პროცედურა, როდესაც მსჯავრდებულ ქალებს საპატიმროდან დროებით გაყვანისას ან შემოყვანისას აშიშვლებენ და აკეთებინებენ ბუქნებს; ხანგრძლივვადიანი პაემნების არარსებობა; ჰიგიენური საშუალებების უკმარისობა; დაგვიანებული/არასათანადო მკურნალობა ქალი პატიმრებისთვის და სხვა.

არასრულწლოვანთა დაწესებულებაში გამოვლენილი პრობლემებია: პრივილეგიები არასრუწლოვან პატიმრებს შორის; განმეორებითი დანაშაულის ხშირი შემთხვევები; გარკვეული კატეგორიის არასრულწლოვანი პატიმრების სოციალური იზოლაცია; არასაკმარისი ფსიქოლოგები და სხვა.

პრეზენტაციაში მონაწილეობას მიიღებენ ბულგარეთის საელჩოს წარმომადგენელი და სახალხო დამცველის პრევენციისა და მონიტორინგის დეპარტამენტის უფროსი, ნიკა კვარაცხელია.

პრეზენტაციის შემდეგ ადამიანის უფლებათა ცენტრის ანგარიშის ბეჭდური ვერსიის გარკვეული რაოდენობა გადაეცემა ეროვნულ ბიბლიოთეკას, ხოლო ელექტრონული ვერსია აიტვირთება ვებ-გვერდზე - Humanrights.ge. 

ადამიანის უფლებათა ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC