09:59, Tuesday, 17.09.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თუშეთში დაშავებული მამაკაცი ვერტმფრენით ახმეტაში გადაიყვანეს

28.12.2015
 
ლელა ხეჩოშვილი, კახეთი 

თუშეთში შეშის დამზადებისას 55 წლის მამაკაცი დაშავდა, მას მოჭრილი ხე დაეცა და სხეულის დაზიანებები მიიღო. საჭირო იყო მისი სასწრაფო ჰოსპიტალიზაცია. როგორც ახმეტის მუნიციპალიტეტის გამგებლის მოადგილემ, თამაზ ქავთარაშვილმა განაცხადა, თუშეთში ამ დროისთვის შემთხვევით იმყოფებოდა ვერტმფრენი, რომლის დახმარებითაც დაზარალებული ახმეტის რაიონულ ჰოსპიტალში გადაიყვანეს.

დაზარალებულს პირველი სამედიცინო დახმარება სოფელ ბოჭორნაში მყოფმა ექიმმა ირაკლი ხვედელიძემ გაუწია. 
„დაზარალებული რომ გავსინჯე მეცხრე და მეთერთმეტე ნეკნების არეში იყო ღრმა დაბეჟილობა. მეშინოდა, ღვიძლი და თირკმელები არ ყოფილიყო დაზიანებული. თუშეთში მაცხოვრებელი მამაკაცები შევიკრიბეთ და ჩემი სოფლიდან - ბოჭორნიდან ომალომდე 12 კილომეტრ სავალზე საკაცით ვატარეთ, სადაც ვერტმფრენი გველოდებოდა და გადმოვიყვანეთ ახმეტის საავადმყოფოში”, -აღნიშნა ირაკლი ხვედელიძემ.

მისივე თქმით, პაციენტის ჯანმრთელობის მდგომარეობა ამჟამად უკვე დამაკმაყოფილებელია.  მამაკაცი თავს კარგად გრძნობს და ახალი წლიდან ისევ თუშეთს დაუბრუნდება.

ადგილობრივები თუშეთში მისასვლელი ერთადერთი გზის რეაბილიტაციას ითხოვენ. გასულ წელს გზა ოქტომბრის ბოლოს დაიკეტა და მაისში გაიხსნა, თუმცა წელს 21 აგვისტოს მოსული სტიქიის შედეგად გზის სავალი ნაწილი დაზიანდა, უამინდობის გამო კი გზის სრული აღდგენა ვერ მოხერხდა და თუშეთში მისასვლელი გზა ადრე ჩაიკეტა.

„გარდა გზის პრობლემებისა, თუშეთში ელექტროენერგიის პრობლემაც არსებობს. დენი თუშეთის მხოლოდ ერთ სოფელში -შენაქოშია. ხელისუფლებას რეკომენდაციები მივწერეთ, რომ ბიუჯეტის დაგეგმვისას გაითვალისწინონ“, - განაცხადა გამგებლის წარმომადგენელმა თუშეთში ლადო კახოიძემ.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC