13:29, Sunday, 08.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სოციალური დახმარების გარეშე დარჩენილი ავთანდილ მათიაშვილი დახმარებას ითხოვს

29.02.2016

 
ეკატერინე ჩახვაშვილი

გურჯაანის მუნიციპალიტეტის სოფელ კარდენახში მცხოვრებ ავთანდილ მათიაშვილსა და მის მეუღლეს, მარინე მათიაშვილს სოციალური დახმარება მოუხსნეს. მათიაშვილების თქმით, მაშინ როცა ჯანმრთელობის მდგომარეობა გაუუარესდათ, სოციალური დახმარება მოუხსნეს, პენსია კი წამლებისთვისაც არ ჰყოფნით.

ავთანდილ მათიაშვილს 2015 წელს დაუდგინდა კუჭის ავთვისებიანი სიმსინვე, რის გამოც საჭირო გახდა სასწრაფო ოპერაცია. მან კუჭის ოპერაცია 2015 წლის 21 აგვისტოს გაიკეთა. რის შემდეგაც საჭიროა, ქიმიოთერაპიის კურსები. 

„ოპერაცია ახალი ჩატარებული მქონდა, როდესაც სახლში წოლით მდგომარეობაში მყოფთან სოციალური აგენტი მოვიდა და ჩემი ოჯახი შეამოწმა. ამის შემდეგ მაღალი ქულები მოგვანიჭეს, რის გამოც სოციალური დახმარება შემიწყდა.  ცნობაც კი წარვადგინე, რომ გავდიოდი ქიმიოთერაპიის კურსს, რის საფუძველზე კვლავ გადამამოწმეს, თუმცა ისევ მაღალი ქულები მოგვანიჭეს“, - აღნიშნა ავთანდილ მათიაშვილმა.

სოციალური მომსახურების სააგენტოს ინფორმაციით, ამ ეტაპზე მათ არაფრის შეცვლა არ შეუძლიათ. მინიჭებული საერიტინგო ქულის შეცვლა დეკლარაციის შევსებიდან ერთი წლის გასვლის შემდეგაა შესაძლებელი.
მათიაშვილების განცხადებით, მათ არ აქვთ ინფომაცია, რატომ მოუვიდათ მაღალი ქულები.

„არაფერი შეგვიძენია, ისევ ძველებურად ვცხოვრობთ. მიმაჩნია, რომ უსამართლობაა გაჭირვებული ოჯახისთვის დახმარების შეწყვეტა და უმძიმეს მდგომარეობაში დატოვება.ეს იგივეა, წაქცეულს ყელში დანა გამოუსვა“,- აღნიშნა ავთანდილ მათიაშვილმა.

მათიაშვილების ოჯახმა დახმარებისთვის საქართველოს შრომის, ჯანმრთელობისა და სოციალური დაცვის მინისტრს, დავით სერგეენკოს განცხადებით მიმართა. ისინი ითხოვენ, სარეიტინგო ქულების გადამოწმებას და ოჯახის ხელახლა შემოწმებას.

მათიაშვილებმა დახმარებისთვის ადამიანის უფლებათა ცენტრის კახეთის ოფისსაც მიმართეს. ადამიანის უფლებათა ცენტრის იურისტის ლია ხუროშვილის განცხადებით, მათიაშვილების გარდა, ორგანიზაციას მსგავსი პრობლემით ბევრმა ოჯახმა მიმართა.

სოციალური მომსახურების სააგენტოს ინფორმაციით, 2015 წლის მაისში სოციალურად დაუცველის სტატუსი 447 000 ადამიანს ჰქონდა მინიჭებული, ოქტომბერში კი მათი რიცხვი 420 000–ია.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC