02:40, Friday, 05.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გურჯაანში საპარლამენტო არჩევნებისთვის მზადება დაიწყეს

15.03.2016
 
ლელა ხეჩოშვილი, კახეთი

გურჯაანში პოლიტიკურმა პარტიებმა საპარლამენტო არჩევნებისთვის მზადება უკვე დაიწყეს. საპარლამენტო არჩევნებში მაჟორიტარ დეპუტატად მოიაზრება საკრებულოს თავმჯდომარე ვანო ბერძიშვილი.

Humanrights.ge-სთან საუბარში ვანო ბერიძიშვილმა  აღნიშნა, რომ წინასაარჩევნო კამპანია დაწყებული აქვთ. რაც შეეხება მაჟორიტარ დეპუტატად მისი კანდიდატურის წარდგენას, ეს ინფორმაცია არც უარყო და არც დაადასტურა. ბერძიშვილის თქმით, გადაწყვეტილებას პოლიტსაბჭო მიიღებს.

კოალიცია „ქართული ოცნების“ მაჟორიტარი დეპუტატობის კანდიდატად მუნიციპალიტეტის გამგებელ გია გერგიძესაც მოიაზრებენ. თუმცა, აღნიშნული კანდიდატურების დასახელებას კოალიციის რამდენიმე წევრი ეწინააღმდეგება.

„ვანო ბერძიშვილს ხელს შევუშლით, რომ კენჭი არ იყაროს, რადგან მას სათანადო განათლება და გამოცდილება აკლია. გარდა ამისა, ის ნაციონალებთან არის შეკრული და მოღალატეა. ბერძიშვილი მალე პარტიის თავმდჯომარის პოსტსაც დაკარგავს. ბერძიშვილის ნაციონალურ მოძრაობასთან შეკვრის ამბავი სათაო ოფისშიც იციან. მის საპარლამენტო არჩევნებში მონაწილეობას არ დავუშვებთ“,- აღნიშნა ქართული ოცნების წევრმა, ციცინო ღვინიაშვილმა. 

გურჯაანში კოალიცია „ქართულ ოცნებაში“ დიდი ხანია, რაც შიდა განხეთქილება დაიწყო. ამას მოწმობს ისიც, რომ ერთ-ერთ პარტიულ კონფერენციაზე მმართველი კოალიციის ბიუროს წევრები - ხათუნა ბეციშვილი და ციცინო ღვინიაშვილი არ შეუშვეს.
გურჯაანში სხვა მომქმედი პოლიტიკური პარტიებიდანაც მოიაზრებიან საპარლამენტო არჩევნებში სავარაუდო მაჟორიტარი დეპუტატის კანდიდატურები.

როგორც humanrights.ge-ს ნაციონალური მოძრაობის  ლიდერმა, გურჯაანში, ნიკა ნიჟარაძემ განუცხადა, შესაძლოა, ნაციონალებიდან კვლავ მოქმედმა დეპუტატმა, გიორგი ღვინიაშვილმა იყაროს კენჭი. გურჯაანში საქართველოს რესპუბლიკური პარტიიდან მაჟორიტარი დეპუტატობის კანდიდატად  ზვიად ყვირალაშვილი სახელდება, თავისუფალი დემოკრატებიდან კი - საკრებულოს წევრი სიმონ ქოჩორაშვილი.

გურჯაანში, პარტიებს საბოლოო გადაწყვეტილება ჯერ არ მიუღიათ, თუ ვის დაასახელებენ მაჟორიტარი დეპუტატის კანდიდატად.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC