14:58, Friday, 21.09.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საკანონმდებლო წინადადება არასრულწლოვანი პირების საკუთრების დაცვის შესახებ

17.02.2018

 
5 იანვარს საქართველოს პარლამენტის იურიდიულ საკითხთა კომიტეტს დაევალა განიხილოს ადამიანის უფლებათა ცენტრის მიერ წარდგენილი საკანონმდებლო წინადადება „საქართველოს სამოქალაქო კოდექსში ცვლილებების შეტანის შესახებ“.

ორგანიზაციის მიერ, საკანონმდებლო ორგანოსთვის წარდგენილი ცვლილება ეხება არასრულწლოვანი პირის ქონების დაცვას. საქართველოს სამოქალაქო კოდექსის მიხედვით, არასრულწლოვანმა პირმა შესაძლებელია სხვადასხვა გზით მიიღოს ქონება: ჩუქებით, მემკვიდრეობის მიღებით და ა.შ. აღნიშნული ქონება შეიძლება იყოს მოძრავი ან უძრავი ნივთის სახით. უძრავი ნივთის შეძენის შემთხვევაში არასრულწლოვანი ხდება ამ ქონების კანონიერი მესაკუთრე და იგი საჯარო რეესტრში რეგისტრირდება როგორც უძრავი ქონების მესაკუთრე.  უძრავ ქონებასთან ერთად ან/და ცალკე, პირადი ქონების სახით, ზემოაღნიშნული საფუძვლებით, არასრულწლოვანმა შეიძლება, შეიძინოს ძვირადღირებული მოძრავი ნივთები, რომლის შეუზღუდავად განკარგვის უფლება მშობელს არ უნდა ჰქონდეს. 

შეთავაზებული ცვლილების მიზანს წარმოადგენს ბავშვის საკუთრების უფლების დაცვა. დღესდღეობით ერთ-ერთ  მშობელსაც კი შეუძლია, ყოველგვარი დაბრკოლების გარეშე, გაასხვისოს, იპოთეკით დატვირთოს ან/და ნებისმიერი ფორმით განკარგოს თავისი არასრულწლოვანი შვილის ქონება. სამოქალაქო კოდექსში აღნიშნული ცვლილების შეტანა იქნება უფრო მეტი გარანტია იმისა, რომ არასრულწლოვანი პირის საკუთრების უფლება იყოს დაცული.

საქართველოს სამოქალაქო კოდექსის 1198-ე მუხლი აწესებს მშობელთა მოვალეობებს შვილების მიმართ. მოცემული მუხლის მე-4 ნაწილის თანახმად, მშობლებს ევალებათ, დაიცვან თავიანთი არასრულწლოვანი შვილების უფლებები და ინტერესები, რაც მოიცავს შვილების ქონების მართვასა და გამოყენებას. ადამიანის უფლებათა ცენტრს მიაჩნია, რომ საჭიროა არსებობდეს მშობლისთვის ბავშვის ინტერესების საწინააღმდეგოდ მოქმედების შემზღუდავი ნორმები. ასევე, საჭიროა ინსტიტუციური მოწესრიგებაც, კერძოდ, მაკონტროლებელი მექანიზმის - სუბიექტისა და პროცედურის განსაზღვრა, თუ რომელი ორგანოს და რა წესის მიხედვით უნდა მოხდეს მესამე პირებთან დადებული გარიგების შესაბამისობის დადგენა ბავშვის ინტერესებთან.

საქართველოს სამოქალაქო კოდექსში  შესატანი ცვლილების ფორმულირება: მშობელს ეკრძალება, გააჩუქოს ან სხვაგვარად განკარგოს არასრულწლოვანი შვილის პირადი ქონება,  გარდა  იმ შემთხვევისა როცა ეს გამოწვეულია ბავშვის აუცილებელი საჭიროებიდან გამომდინარე და ემსახურება ბავშვის ინტერესს.  ასეთ შემთხვევაში კი საჭიროა მეურვეობისა და მზრუნველობის ორგანოს წინასწარი თანხმობა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ემხრობით თუ არა ნარკოპოლიტიკის ლიბერალიზაციას?
კი არა არ ვიცი

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC