06:21, Sunday, 20.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

აქცია თბილისის ზღვაზე - კამპანია „იცურე მშვიდად“ კუსტარული რეკრეაციული ზონის მოწესრიგებას მოითხოვს

17.09.2019

24 სექტემბერს, 11:30 საათზე, კამპანია „იცურე მშვიდად“ მონაწილე ორგანიზაციები აქციას გამართავენ თბილისის ზღვაზე - ე.წ. კოშკთან, სადაც წლების განმავლობაში კუსტარული პლაჟია მოწყობილი და ზაფხულის განმავლობაში მოქალაქეები მაშველების მომსახურების გარეშე ისვენებენ.

ზაფხულის სეზონზე საქართველოში რამდენიმე ათეული ადამიანი იღუპება ზღვაში, წყალსაცავებში, ტბებსა და მდინარეებში. დიდი პრობლემაა წყლის ობიექტებზე მოწყობილი კუსტარული რეკრეაციული ზონები, სადაც არ არის უზრუნველყოფილი მაშველების დახმარება და დაუცველია მოქალაქეთა უსაფრთხოება. პრობლემაა გამაფრთხილებელი ბანერების არარსებობა და წინასწარი გაფრთხილების სუსტი სისტემები. წყლის ობიექტებზე არსებული საფრთხეების შესახებ აუცილებელია, საზოგადოება დროულად და ეფექტიანად იყოს ინფორმირებული. 

თბილისის ზღვაზე, ე. წ. კოშკის მიმდებარე ტერიტორია, სადაც წყალსაცავს საინჟინრო არხით მდინარე იორის წყალი უერთდება, ერთ-ერთ ყველაზე საფრთხის შემცველ ადგილად არის მიჩნეული. სტუდია „მონიტორის“ ჟურნალისტური გამოძიების - „სიკვდილის ზონები საქართველოში“ თანახმად, ამ ადგილას 2016 წლის 4 აგვისტოს 9 წლის გიორგი ძულიაშვილი ნაპირთან ახლოს დედის თვალწინ დაიხრჩო. 

კამპანია „იცურე მშვიდად“ მოუწოდებს ქალაქ თბილისის მერიას, შეისწავლოს და დაადგინოს, რამდენად უსაფრთხოა ბანაობა თბილისის ზღვაზე მოქალაქეების მიერ კუსტარულად მოწყობილ რეკრეაციულ ადგილებში. ამავე დროს, ზოგადად, გადასაწყვეტია, სანიტარულ-ჰიგიენური თვალსაზრისით, რამდენად მიზანშეწონილია ბანაობა თბილისის წყალსაცავში, რომელიც საქართველოს დედაქალაქის სასმელი წყლის მთავარი აუზია. 

კამპანია „იცურე მშვიდად“ მოუწოდებს სამოქალაქო აქტივისტებს, სტუდენტებს, ყველას, ვისთვისაც მნიშვნელოვანია, საქართველოში დაცული იყოს სიცოცხლის უფლება, შემოუერთდეს აქციას.

კამპანია „იცურე მშვიდად“ 2018 წლის 16 ივლისს დაიწყო ანა დოლიძის, ადამიანის უფლებათა ცენტრის, CENN-ის და პროგრესის ცენტრის ინიციატივით. კამპანია აერთიანებს საზოგადოებრივ ორგანიზაციებს და სამოქალაქო აქტივისტებს და მიმართულია საქართველოში წყლის ობიექტებზე მოქალაქეთა სიკვდილიანობის წინააღმდეგ.

საკონტაქტო პირი - ლანა გიორგიძე. ტელ.: 598 467070 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC