26-27 თებერვალს თბილისის ადამიანის უფლებათა სახლში გაიმართა სატრენინგო კურსი შეკრების და მანიფესტაციების მონიტორინგის შესახებ. კურსს უძღვებოდნენ ეუთოს დემოკრატიული ინსტიტუტებისა და ადამიანის უფლებების ოფისის (OSCE/ODIHR) წარმომადგენლები - ანეტა ერდმანი, მრჩეველი ადამიანის უფლებების საკითხებში და გარი ვაითი, ტრენერი.
ტრენინგის ორდღიანი კურსი ჩატარდა ადამიანის უფლებათა ცენტრის თანამშრომლებისთვის და შეეხო შეკრებისა და მანიფესტაციის უფლებას, მასთან დაკავშირებულ შეფასების სტანდარტებსა და OSCE/ODIHR-ის შეკრებისა და მანიფესტაციის მონიტორინგის მეთოდოლოგიას.
ტრენინგი გაიმართა ადამიანის უფლებათა ცენტრის ახალი პროექტის - „საზოგადოებრივი მოვლენების მონიტორინგის“ ფარგლებში. პროექტი ითვალისწინებს სავარაუდოდ პოლიტიკური მოტივით მიმდინარე სისხლის სამართლისა და ადმინისტრაციული საქმეების სასამართლო პროცესებზე, ასევე - საპროტესტო აქციებზე დაკვირვებასა და მონიტორინგს.
პროექტი ხორციელდება აშშ-ის ფონდის - „ეროვნული წვლილი დემოკრატიისთვის“ (NED) მხარდაჭერით 2020 წლის 1 თებერვლიდან 31 დეკემბრამდე.