გუშინ, 1-ლ ივნისს, ადამიანის უფლებათა ცენტრის წარმომადგენლები პარტია „გამარჯვებული საქართველოს“ ლიდერს, ირაკლი ოქრუაშვილსა და მის ადვოკატს, მამუკა ჭაბაშვილს შეხვდნენ. საუბარი შეეხებოდა ირაკლი ოქრუაშვილის წინააღმდეგ მიმდინარე სისხლის სამართლის საქმეებსა და სასამართლო სხდომების მონიტორინგის პროცესს.
ირაკლის ოქრუაშვილის წინააღმდეგ მიმდინარე სისხლის სამართლის საქმეები იმ სავარაუდოდ პოლიტიკურად მოტივირებულ საქმეებს შორისაა, რომლებიც ადამიანის უფლებათა ცენტრის დაკვირვების ქვეშ პროექტ „საზოგადოებრივი მოვლენების მონიტორინგის“ ფარგლებში მოექცა. ადამიანის უფლებათა ცენტრი ირაკლი ოქრუაშვილის წინააღმდეგ მიმდინარე სისხლის სამართლის საქმეების შესახებ ანალიტიკურ დოკუმენტს უახლოეს დღეებში გამოაქვეყნებს.