00:12, Tuesday, 21.10.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სტუდენტების აქცია ზუგდიდის გაეროს ოფისთან

14.03.2007
afxasiab.gif

გუშინ სტუდენტებმა და არასამთავრობო ორგანიზაცია „ახალი თაობა ერთიანი საქართველოსათვის” წევრებმა გაერთიანებული ერების ორგანიზაციის ზუგდიდის ოფისის წინ საპროტესტო აქცია გამართეს. სტუდენტები გაეროს თხოვნით მიმართავენ ორგანიზაციამ აქტიური მონაწილეობა მიიღოს 1 მარტს სოფელ შამგონაში დაკავებული სამი სტუდენტის ლევან ღაჭავას, ივერია ყორშიას და კობა რიგვავას გათავისუფლებაში. შეგახსენებთ, ახალგაზრდები აფხაზეთის თვითგამოცხადებული რესპუბლიკის სპეცსამსახურებმა მას შემდეგ დააკავეს, რაც ახალგაზრდები ქართველ თანატოლებთან შესახვედრად სოფელ შამგონაში, ენგურს გამოღმა გადმოვიდნენ. 

„აფხაზეთში დაკავებული ახალგაზრდები პატრიოტები არიან, ჩვენ შევიკრიბეთ გაერთიანებული ერების ორგანიზაციის წინ და ვთხოვთ მათ ჩაერთონ ამ პრობლემის მოგვარებაში. ჩვენ მათი ყურადღება გვჭირდება... ჩვენი მეგობრები აფხაზეთში დღეს უკანონოდ არიან დაკავებულნი, ჩვენ შორის არ არსებობს საზღვარი, რომლის გადალახვისთვისაც ისინი უკანონოდ დააპატიმრეს,” - ამბობს აქციების აქტივისტი, სტუდენტი დათო ჭითანავა.

დღევანდელ აქციას წინ შვიდდღიანი შიმშილობის აქცია უსწრებდა, ხუთი სტუდენტი თბილისის სახელმწიფო უნივერსიტეტის ზუგდიდის ფილიალის შენობაში მთელი კვირა შიმშილობდა, თუმცა პროტესტის ამგვარ ფორმას როგორც უკვე ყოფილი მოშიმშილეები ამბობენ, არანაირი შედეგი არ მოჰყოლია.

გოგა სამუშია ერთ-ერთი იმათგანია, რომელმაც მეგობრების გათავისუფლების მოთხოვნით უნივერსიტეტის შენობაში მთელი კვირა იშიმშილა. თუმცა. როგორც დღეს ამბობს სრულიად ამაოდ; „ჩვენ ვწყვეტთ შიმშილობას, იმიტომ რომ ამას არანაირი რეაგირება არ მოჰყვა, ჩვენს შიმშილობას არც გაერო და არც სხვა საერთაშორისო ორგანიზაციები არ გამოხმაურებიან. ჩვენი მოთხოვნა ისევ დაუკმაყოფილებელი რჩება. დღეიდან ჩვენ სხვა ხერხს, სხვა მეთოდს მივმართავთ. გავმართავთ ფართო მასშტაბიან აქციებს,” - ამბობს გიორგი სამუშია. მისივე თქმით სტუდენტები იმედგაცრუიებულნი არიან, რაც მათდამი უყურადღებობამ გამოიწვია.

შიმშილობისას სტუდენტებს ექსპერტი პაატა ზაქარეიშვილი შეხვდა. მან სტუდენტებს შიმშილობის შეწყვეტისაკენ მოუწოდა. მისი თქმით, სტუდენტების თავგანწირვა დასაფასებელია, თუმცა, წუხს, რომ ახალგაზრდები აფხაზური მხარის წინააღმდეგ შიმშილობენ.  „მე ძალიან დიდ პატივს ვცემ ამ ახლგაზრდებს, ეს არის მათი გულწრფელი, გულახდილი ქცევა. რაც მე მაწუხებს ისაა, რომ ისინი შიმშილობენ აფხაზური მხარის წინააღმდეგ, რომლებსაც სულ არ ადარდებთ ქართველების ჯანმრთელობა. ეს მათზე არ მოქმედებს. ეს აქციები მიმართული უნდა იყოს იმ ძალის მიმართ, ვისზეც შენ გავლენა გაქვს, ვინც შენზე დავალებულია ანუ შენივე ხელისუფლების მიმართ. ჩვენი ახალგაზრდების შიმშილობა იქნება მხოლოდ მათი ჯანმრთელობისთვის საზიანო, მე მათ ვთხოვე, როგორც უფროსმა მეგობარმა, თავი შეიკავონ ჯანმრთელობის დაზიანებისაგან. მათი ჯანმრთელობა პირველ რიგში მათ ჭირდებათ და მერე ჩვენ გვჭირდება. მხოლოდ ღირსეულ ადამიანს შეუძლია შიმშილობა, ასეთი ღირსეული ახალგაზრდები მომავალშიც გვჭირდება,” - მბობს პაატა ზაქარეიშვილი.

სტუდენტებმა ზაქარეიშვილის რჩევა გაითვალისწინეს და პროტესტის სხვა ზომებს მიმართეს. თუმცა სტუდენტებმა დამაკმაყოფილებელი პასუხი ვერც გაეროს წარმომადგენლობისგან მიიღეს.

სტუდენტ ანა ქოჩუას თქმით, გაეროს წარმომადგენლებმა მათი კითხვები სოხუმის ოფისს გადაუმისამართეს. გაეროს ზუგდიდი ოფისის წარმომადგენლებმა მედიასთან ურთიერთობას თავი აარიდა და მის კითხვებს დუმილით უპასუხა.

სტუდენტების განცხადებით, ახალგაზრდების გათავისუფლების მოთხოვნით აქციები მანამდე გაგრძელდება, სანამ აფხაზები დაკავებულებს არ გაათავისუფლებენ. პაატა ზაქარეიშვილის თქმით, კი სტუდენტების გათავისუფლებას არჩევნებამდე არ უნდა ველოდეთ, რადგანაც ეს ბაღაფშს პროქართულ ნაბიჯად ჩაეთვლება, რაც წინასაარჩევნოდ მისთვის წამგებიანი ნაბიჯი, მისი ოპონენტებისთვის კი მომგებიანი იქნება.

ნანა საჯაია, ზუგდიდი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC