20:17, Saturday, 22.02.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ხელისუფლებაში ნამყოფი ჩინოვნიკები კენჭს ოპოზიციის მაჟორიტარებად იყრიან

14.05.2008
გულო კოხოძე, ახალციხე


გაერთიანებულმა ოპოზიციამ მაჟორიტარი დეპუტატობის კანდიდატად ახალციხის მუნიციპალიტეტში ადგილობრივი მცხოვრები ივანე ბალიაშვილი წარადგინა, რომელიც ამომრჩევლისთვის კარგად ნაცნობი სახეა. „ახლა არავის ვჭირდები”, - აცხადებს ივანე ბალიაშვილი და იმ მიზეზებზე საუბრობს, რამაც მისი პოლიტიკური დისკრედიტაცია გამოიწვია.

 
2005 წლიდან მისი ორგანიზატორობით დაიწყო ბრძოლა კომუნალური მრიცხველების გაუქმების მოთხოვნით. ივანე ბალიაშვილი მაშინ ახალციხის საკრებულოს თავმჯდომარე იყო.

,,3600 კაცთან ერთად სარჩელი შევიტანეთ ახალციხის რაიონულ სასამართლოში და გავიმარჯვეთ, მაგრამ სასამართლოს თავმჯდომარე გაანთავისუფლეს.  (სასამართლოს ყოფილი თავმჯდომარე ამაჟამად კერძო ადვოკატია)  გაგვამართლეს საოლქო და უზენაეს სასამართლოშიც, რასაც მოჰყვა საქართველოს ელექტროენერგიის მომხმარებელთა უფლებების დამცველი დავით ებრალიძის განთავისუფლება. როგორც ჩანს, ეს ხელისუფლებას არ აწყობდა, რადგან ენერგოკომპანიას მფარველობდა ვიღაც”, - გვიამბობს ივანე ბალიაშვილი

ამავე მიზეზით ხსნის ივანე ბალიაშვილი მისი მეუღლის, ზოია ბალიაშვილის (პირველი საჯარო სკოლის ყოფილი დირექტორი) თანამდებობიდან განთავისუფლებას. ,,პირველი გამოცდა ბრწყინვალედ ჩააბარა. კომისია გასაუბრებაზეც კმაყოფილი დარჩა. ორი მადლობა ჰქონდა მიღებული კახა ლომაიასგან. დაჯილდოებული იყო გოგებაშვილის მედლით. ჩემი მეუღლე წლების განმავლობაში, ნინოწმინდაში, ქართული სკოლის დირექტორი იყო და ასეთი ადამიანი მათთვის მიუღებელი აღმოჩნდა”. 

გაერთიანებული ოპოზიციის მაჟორიტარი კანდიდატი დღემდე უმუშევარია.

,,სრულიად საქართველოს რადიკალ-დემოკრატთა ნაციონალურმა პარტიამ” კი ახალციხის რაიონში მაჟორიტარ დეპუტატად ნიკოლოზ ინასარიძე წარადგინა.

,,უსამართლობასა და უკანონობას ვერ ვიტან. თუმცა, უსამართლობაა ყველგან და ყველაფერში”, - განაცხადა ნიკოლოზ ინასარიძემ.

ამჯერად, ოპოზიციაში, როგორც თვითონ აცხადებს, უკონტროლობამ მიიყვანა: ,,პარლამენტი ნოტარიალური კანტორა გახდა. კონსტიტუციის მუხლები ისე იცვლება,  როგორც ნაციონალებს სურთ”.
,,მინდა მონაწილეობა მივიღო ქვეყნის აღმშენებლობაში. ეს რა პარლამენტი იყო? შრომის წიგნაკს პარლამენტში რომ გაუხსნი ადამიანს, ამას პარლამენტი ჰქვია? იმან რა უნდა გააკეთოს? მინდა დაგროვილი ცოდნა და გამოცდილება საკანონმდებლო ორგანოში გამოვიყენო”.

კანდიდატმა კომენტარი სხვა მაჟორიტარ დეპუტატობის კანდიდატებზეც გააკეთა: ,,არჩევნებში ნაციონალური მოძრაობის მიერ დასახელებული კანდიდატები უარს იტყოდნენ მათზე ზეწოლა რომ არ იყოს. ან პარლამენტში მოდიან ისეთი ფულიანი ადამიანები, რომლებსაც სურთ არაკანონიერად ნაშოვნი ფული დაიცვან და ამ გზით კიდევ უფრო ბევრი მოიხვეჭონ”.

ოპოზიციური პარტიის მაჟორიტარ დეპუტატებს ივანე ბალიაშვილსა და ნიკოლოზ ინასარიძეს სოფლებში წინაასაარჩევნო კამპანია ჯერჯერობით არ დაუწყიათ,  მათ არც ადგილობრივი ტელეკომპანია ,,მეცხრე არხის” ეთერი გამოუყენებიათ. არჩევნებამდე კი მხოლოდ ერთი კვირაა დარჩენილი.

 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC