16:26, Tuesday, 02.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

შუაღელეში ხალხს ხიდი სჭირდება

18.06.2008
მაკა მალაყმაძე, ბათუმი

ქობულეთის რაიონ სოფელ შუაღელეში 20-მდე ოჯახი, სოფელს უხიდობის გამოა მოწყვეტილი. მოსახლეობამ მდინარეზე ხიდი თვითონვე გააკეთა, თუმცა ყოველი წვიმის დროს, ხიდი წყალს მიაქვს. აქაურებისთვის პრობლემა ვერც წინა ხელისუფლებამ  მოაგვარა და ვერც ამჟამინდელმა.

ორი მსხვილი ხის მორი ერთმანეთზე მავთულით არის გადაბმული, ხელის მოსაკიდად კი ბამბუკის გრძელი ჯოხია მიმაგრებული - ეს შუაღელელების მიერ სახელდახელოდ გაკეთებული ხიდია, წვიმასაც რომ ვერ უძლებს და ხუმრობენ კიდეც, რომ მათი ხიდი ავტომატიკაზე მუშაობს: „როცა გაწვიმდება, წყალს ხიდი მიაქვს. შემდეგ ისევ მოვიტანთ, კიდევ გავაკეთებთ. ესეც რომ არ გვქონდეს, წყალში გვიწევს გასვლა და ასე წვალება გვირჩევნია. ამასწინათ, მიცვალებული თოკებით ძლივს გადმოვიყვანეთ. სოფლის სასაფლაოზე რომ მივიდეთ, ეს წყალი უნდა გადავიაროთ“, -ამბობს სოსლან აბაშიძე. აქაურების განცხადებით, ნორმალური ხიდი აქ არც არასდროს ყოფილა.

სოფლის მცხოვრებლები ამ მდინარეს „წყალს“ უწოდებენ, სახელი ამ მდინარეს არა აქვს. „წვიმის დროს  ფეხზე უნდა გაიძრო და ისე უნდა გადახვიდე. ზამთარში წარმოიდგინეთ რა დღეში ვართ, ჩაკეტილები სახლში. მაგრამ სულ ხომ ვერ ჩაიკეტები, ჭირი და ლხინი ზამთარშიც გვაქვს“,  - ჩივიან ადგილობრივები.

     

მოსახლეობამ ქობულეთის რაიონის გამგეობას რამდენჯერმე მიმართა. თუმცა უშედეგოდ. „გვეგონა წინასაარჩევნოდ მაინც მოგვიგვარებდნენ ამ პრობლემას, მაგრამ ამ წელშიც ვერაფერს დაგვპირდნენ სასიკეთოს“, ამბობენ იმედგაცრუებულნი, „2009 წლის ბიუჯეტში შევეცდებით რომ გაგითვალისწინოთო. აჭარის უზენაესი საბჭოს წევრთან,  კობა ხაბაზთანაც ვიყავით. არჩევნების წინა პერიოდში ნაციონალების კანდიდატი ოთარ ხინიკაძეც მოვიდა, თუმცა კი უშედეგოდ“.

სამაგიეროდ, წინასაარჩევნოდ სოფლის გზის ორმოები შენობების ნანგრევი მასალებით შეუვსიათ. თუმცა შუაღელელები იწუნებენ, რადგან „ისეთი ნანგრევებია, რომ აქ მანქანა კი არა ტანკი უნდა გაატარო. ბეტონია და რკინა-არმატურაა შიგ დატოვებული, ნორმალურადაც კი არ გაასწორეს“.



Print Send to Friend Send to Facebook Tweet This
სახელი: tamazi jabnidze
2015-01-17 20:45
mixedet shua geles
სახელი: ჯანო
2011-02-28 16:56
შუაგელეს მიხედვა უნდა.
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

სექსუალური უმცირესობები საქართველოს ციხეებში
ბლოგი შექმნილია ევროკავშირის მიერ დაფინანსებული პროექტის „სასჯელაღსრულებისა და პრობაციის რეფორმების ხელშეწყობა და მონიტორინგი სამოქალაქო საზოგადოების ჩართულობით“ ფარგლებში, რომელსაც ახორციელებს ორგანიზაცია „ციხის საერთაშორისო რეფორმა“
ვრცლად...
უჩინარი მტერი
აპოკალიფსი არ იქნება
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC