10:07, Tuesday, 19.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პოლიციის უფროსი ჟურნალისტებს დაკავებით ემუქრება

08.01.2009
 სოსო მარტაშვილი
გელა მთივლიშვილი, კახეთი

შს გურჯაანის სამმართველოს უფროსი   რეგიონულ ჟურნალისტებს  სპორტსმენების უკანონოდ დაპატიმრების ფაქტის გაშუქების გამო ატერორებს. პოლიციის უფროსმა კორესპონდენტები გააფრთხილა, რომ თუ ისინი სპორტსმენების საქმეზე მუშაობას არ შეწყვეტენ, ნარკოტიკები შესაძლოა, არა მარტო მათ, არამედ მათი ოჯახის წევრებსაც აღმოაჩნდეთ.
 
ჟურნალისტების განცხადებით, შს გურჯაანის სამმართველოს  უფროსმა სოსო მარტაშვილმა, გუშინ, გურჯაანის რაიონული სასამართლოს შენობასთან, საპროტესტო აქციის გასაშუქებლად მისულ ჟუტნალისტებს უყვირა: "მიკროფონებს ერთ ადგილზე გაგთხრით და სპორტსმენების მსგავსად თქვენც გაგსროკავთ". ამასთან ერთად, პოლიციის უფროსი ტელეკომპანიების "რუსთავი 2"-ის, "პირველი არხის", "გურჯაანის" და ადამიანის უფლებათა ცენტრის ინტერნეტ გაზეთის, კახეთის რეგიონული გაზეთის "იმედის" კორესპონდენტებს დაკავებითაც დაემუქრა.

"07 იანვარს გურჯაანის რაიონული სასამართლოს მოსამართლემ დააკმაყოფილა რაიონული პროკურატურის შუამდგომლობა და პოლიციის თანამშრომელზე ყაჩაღური თავდასხმის ბრალდებით დაკავებულ ახალგაზრდა სპორტსმენებს ბიძინა სეფიაშვილსა და სპარტაკ სალთხუციშვილს წინასწარი აღმკვეთის ღონისძიების სახით ორთვიანი პატიმრობა შეუფარდა. დარბაზში მსხდომმა ადამიანებმა სასამართლოს გადაწყვეტილება პროცესის შემდეგ აქციით გააპროტესტეს. დაკავებულების ახლობლები გვიხსნიდნენ, რომ სპორტსმენები პოლიციის თანამშრომელს ჯგუფურად თავს კი არ დაესხნენ, არამედ შელაპარაკება მოუვიდათ სამართალდამცავთან, რომელიც ინციდენტის დროს სამსახურებრივ მოვალეობას არ ასრულებდა. აქციის მონაწილეები ცდილობდნენ აღნიშნული თვითმხილველთა ჩვენებებით დაედასტურებინათ. აქციას თვალს პოლიციის თანამშრომლებიც ადევნებდნენ.  აქციის  დაშალის შემდეგ   სასამართლოს შენობის შორიახლოს, პოლიციის მანქანით სამმართველოს უფროსი მარტაშვილი მოგვიახლოვდა და გინება დაიწყო (ჩვენი ვარაუდით, ის ნასვამ მდგომარეობაში იყო.) "მიკროფონებს ერთ ადგილზე გაგთხრით და სპორტსმენების მსგავსად თქვენც გაგსროკავთ".   დაგვემუქრა დაკავებითაც:  "შეეშვით მაგ ამბავს, თორემ შემთხვევით ჯიბეში ნარკოტიკები არ იპოვოთ”. იმ შემთხვევაში თუ სპორტსმენების საქმეზე მუშაობას არ შევწყვეტთ, ნარკოტიკები შესაძლოა ჩვენი ოჯახის წევრებსაც აღმოაჩნდეთ, - განაცხადეს შეურაცხყოფილმა ჟურნალისტებმა.

უნდა აღინიშნოს, რომ შს გურჯაანის სამმართველოს უფროსი სოსო მარტაშვილი კახეთის გუბერნატორის გიორგი ღვინიაშვილის ახლო მეგობარია და სამხარეო ადმინისტრაციის ნდობით სარგებლობს. ჟურნალისტების მიმართ მუქარის ფაქტებზე მარტაშვილი აღნიშნავს, რომ მას ვერავინ ვერაფერს დააკლებს.

საგულისხმოა ისიც, რომ გასულ წელს, კახეთში რამდენიმე დამოუკიდებელმა ჟურნალისტმა საკუთარ ხელჩანთაში ნარკოტიკული ნივთიერების მსგავსი ფხვნილი არაერთხელ იპოვა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC