13:58, Thursday, 09.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მელორ ვაჩნაძე, გიორგი ონიანი და რევაზ რევაზიშვილი მათზე განხორციელებულ ზეწოლაზე დეტალურად ყვებიან

07.05.2009
"ინტერპრესნიუსი"

“9 აპრილის ახალგაზრდული შტაბის” წევრები მელორ ვაჩნაძე, გიორგი ონიანი და რევაზ რევაზიშვილი დეტალურად ყვებიან პოლიციის სამმართველოებში მათზე განხორციელებულ ზეწოლებზე. მათ სახეზე და სხეულზე მძიმე დაზიანებები აღენიშნებათ.

როგორც მათ დღევანდელ პრესკონფერენციაზე აღნიშნეს, პოლიციის სამმართველოებში სასტიკად სცემეს ხელებით, ფეხებით, ხელკეტებით, ავტომატების კონდახებით.

როგორც მელორ ვაჩნაძემ განაცხადა, პოლიციის ხელმძღვანელები ქვეშევრდომებს მიუთითებდნენ, რომ სახის არეში არ ეცემათ, ვინაიდან დაზიანებები ნათელი იქნებოდა.

“ტანზე შემომახვიეს და ისე მცემეს, რომ დაზიანებები არ დამჩნეოდა, თუმცა   მაინც  მემჩნევა”,-აღნიშნა მან.  მისივე ინფორმაციით, ძველი თბილისის რაიონის პოლიციაში მიაყენეს  ფიზიკური და სიტყვიერი შეურაცხყოფა, ამის შემდეგ გადაიყვანეს ვაჟა-ფშაველაზე მდებარე მე-7 განყოფილებაში, სადაც ზონდერჯგუფებმა ე.წ. სირცხვილის კორიდორი გაუკეთეს, ოთახში შეიყვანეს და ცემეს.

“მანქანაში არ მასუნთქებდნენ, 6 კაცთან ერთად ჩამტენეს და ვეღარ ვსუნთქავდი. სახეში არ მოარტყათ რამე, არ დაემჩნესო, ეუბნებოდნენ უფროსები. ტანზე შემომახვიეს და მირტყამდნენ. ნიკა ავალიანის ორი მეგობარი იყო მოსული, ვინც აკვირდებოდა ამას და უხაროდათ, უნდოდათ, რაღაცეები მეთქვა; ინფორმაციის მიღება უნდოდათ, თუ რას ვაპირებდით. უნდოდათ, ხელი მომეწერა, რომ პრეტენზია არ გამაჩნდა გამოძიებასთან, თუმცა მე არც ჩვენება მიმიცია და არც არაფრისთვის მომიწერია ხელი”, _ განაცხადა ვაჩნაძემ და აღნიშნა, რომ გუშინ პოლიციის სამმართველოსთან მომხდარი ინციდენტის შესახებ რომ არ გაეგოთ, სხვა ოთახში შეიყვანეს და წყალი მოუშვეს ხმის ჩასახშობად.

მისივე თქმით, სამედიცინო შემოწმება ჩაუტარდათ იზოლატორში შესვლის შემდეგ, ისიც ადვოკატის დაჟინებული თხოვნით. ეს დაზიანებები კი პოლიციის სამმართველოებში მიაყენეს, იზოლატორში შესვლამდე. 15 წლის რეზო რევაზიშვილის განცხადებით, სახლიდან 15-მა კაცმა წაიყვანა, მე-7, განყოფილებაში ფიზიკური და სიტყვიერი შეურაცხყოფა მიაყენეს, სასტიკად გაუსწორდნენ. ეკითხებოდნენ, რა პროტესტი ჰქონდა და რატომ მისდევდა ჟურნალისტ ნიკა ავალიანს.

“ფეხის ტერფში ავტომატის კონდახი ჩამარტყეს. მაიძულებდნენ იმის თქმას, რომ ხელკეტი ოპოზიციის ლიდერებმა მომცეს. მემუქრებოდნენ მტკვარში გადაგდებით და გაუპატიურებით. ნიღბიანებიც იყვნენ და ნიღბების გარეშეც. არ მომცეს საშუალება, ადვოკატებს და მშობლებს დავკავშირებოდი. მომიყვანეს თავიანთი ადვოკატი, რომელიც მეუბნებოდა, რომ ცემის ფაქტები არ დამეწერა ჩვენებაში. აღიარებითი ჩვენება მიმაცემინეს. რაც მითხრეს, ის დავწერე ჩვენებაში”, _ განაცხადა რევაზიშვილმა.

გიორგი ონიანის განცხადებით კი, ემუქრებოდნენ გაუპატიურებით, ასევე, ოჯახის წევრებზე შეურაცხმყოფელი საუბრები იყო.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC