15:55, Monday, 14.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თავდასხმა მედიაზე

16.06.2009
გუშინ პოლიციის მთავარ სამმართველოსთან მომხდარი ინციდენტის შედეგად აქციის მონაწილეებთან ერთად ჟურნალისტებიც დაზარალდნენ. დაზარალებული ჟურნალისტები ყვებიან, რომ ძალოვნები მიზანმიმართულად სდევნიდნენ მედიის წარმომადგენლებს და განსაკუთრებული სისასტიკით „ნადირობდნენ“ მათზე, რათა არ დარჩენილიყო დარბევის ამსახველი კადრები თუ ფოტომასალა. ამ მოტივის დამაჯერებლობაზე მეტყველებს ისიც, რომ შინაგან საქმეთა სამინისტროს მიერ მოგვიანებით დაბრუნებული ფოტო და ვიდეო კამერებიდან დარბევის ამსახველი კადრები წაშლილი იყო.

შინაგან საქმეთა მინისტრის მიადგილე ეკა ზღულაძემ გუშინვე სინანული გამოთქვა იმის გამო, რომ ჟურნალისტებს ხელი შეეშალათ პროფესიული მოვალეობის შესრულებაში, თუმცა სამინისტროს ბოდიში არ მიიღეს დაზარალებული მედია საშუალებების წარმომადგენლებმა. გუშინ მაუწყებლობა შეწყვიტეს ტელეკომპანიებმა „მაესტრომ“ და „კავკასიამ“ და კოლეგებს მოუწოდეს შეერთებოდნენ გაფიცვას.
მათ მხარდაჭერა გამოუცხადეს ბეჭდვითი მედიის წარმომადგენლებმა და გაავრცელეს ერთობლივი განცხადება დაზარალებული კოლეგების მხარდასაჭერად.
ჩვენს მიერ ამ დროისთვის მოპოვებული ინფორმაციით, გუშინ პოლიციის მთავარი სამმართველოს შენობასთან ნაცემი და დაზარალებული ჟურნალისტების სრული სია ასე გამოიყურება:

1. გიორგი ოძელაშვილი - ინტერნეტ ტელევიზიის Gevision TV-ს ოპერატორი /მიაყენეს ფიზიკური შეურაცხყოფა და დააკავეს, წაართვეს ვიდეო-კამერა/
2. ზურაბ ქურციკიძე - ევროპის პრესსააგენტოს ფოტოკორესპონდემტი /მიაყენეს ფიზიკური შეურაცხყოფა და დააკავეს, წაართვეს ფოტო-კამერა/
3. თორნიკე ზიზიაშვილი - ინტერპრესნიუსის ფოტოკორესპონდენტი /მიაყენეს ფიზიკური შეურაცხყოფა/
4. თემურ ქანდაშვილი - ტელეკომპანია კავკასიის ოპერატორი /წაართვეს და დაუმტვრიეს ვიდეო-კამერა/
5. თეონა ლალიაშვილი - ტელეკომპანია მაესტროს ჟურნალისტი /მიაყენეს ფიზიკური შეურაცხყოფა/
6. ანა ბროლაძე - ტელეკომპანია მაესტროს ჟურნალისტი /მიაყენეს ფიზიკური შეურაცხყოფა, წაართვეს კასეტა, რომელზეც დარბევის კადრებს შეიცავდა/
7. სერგი ბარამიძე - ტელეკომპანია მაესტროს ოპერატორი /მიაყენეს ფიზიკური შეურაცხყოფა, წაართვეს და დაუმტვრიეს ვიდეო-კამერა/
8. შოთა კაპანაძე - ტელეკომპანია მაესტროს ოპერატორი /მიაყენეს ფიზიკური შეურაცხყოფა, წაართვეს და დაუმტვრიეს ვიდეო-კამერა/
9. ივანე შლამოვი - „ფრანს პრესის“ ფოტოკორესპონდენტი /წაართვეს ფოტო-კამერა/
10. დათო მძინარიშვილი - სააგენტო როიტერის ფოტოკორესპონდენტი /წაართვეს ფოტო-კამერა/
11. ირმა ინაშვილი - ჟურნალისტთა კავშირი „ობიექტივის“ ხელმძღვანელი /მიაყენეს ფიზიკური შეურაცხყოფა, წაართვეს და დაუმტვრიეს ვიდეო-კამერა/
12. მალხაზ ვარშანიძე - ჟურნალისტთა კავშირი „ობიექტივის“ ოპერატორი /მიაყენეს ფიზიკური შეურაცხყოფა, წაართვეს და დაუმტვრიეს ვიდეო-კამერა/
13. ირაკლი კორძაია - ჟურნალისტი /მიაყენეს ფიზიკური შეურაცხყოფა/

ირმა ინაშვილის განცხადებით ნაცემია „ობიექტივის“ კიდევ ერთი ოპერატორი, რომელიც თავს იკავებს თავისი ვინაობის გამხელისგან. ამ ოპერატორსაც, ინაშვილის განცხადებით წაართვეს და დაუმტვრიეს ვიდეო-კამერა. აღსანიშნავია ისიც, რომ სხვა მედია საშუალებების წარმომადგენლებისგან განსხვავებით „ობიექტივისთვის“ ინაშვილის განცხადებით არც ერთი კამერა არ დაუბრუნებიათ.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC