02:35, Sunday, 26.10.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სააკაშვილის მოძველებული მატარებლები ბუფერული ზონის მოსახლეობას მძიმე დღეში აგდებს...

06.07.2009
საბა წიწიკაშვილი,გორი

შიდა ქართლის მოსახლეობას იაფფასიანი მატარებლით მგზავრობა ყელში ამოადინეს. რამდენიმე ხნის წინ ბორჯომის სადგურზე პომპეზურად აღნიშნეს შიდა ქართლის მიმართულებით „ახალი“ მატარებლების გამოყოფა.

„ახალი მატარებლები“ ბოლო ორი დღეა მოძრაობის დროს მწყობრიდან გამოდიან.

პირველ ივლისს ბორჯომის ვაგზლიდან გასული მატარებელი, რომელსაც ხალხი თბილისიდან ნიქოზამდე უნდა ჩაეყვანა, დაუგეგმავად ჯერ მცხეთაში გაჩერდა, შემდეგ კი კასპში. მგზავრებით  გადავსებულ მატარებელს ე.წ. ბუქსირები გადაუხურდა და მცხეთას იქით გზის გაგრძელება ვეღარ შეძლო. მატარებლის მემანქანეებმა ცოტა ხანი მოიცადეს, მერე იფიქრეს, გზა ნელი სვლით გაეგრძელებინათ. ასე ღოღიალით მატარებელმა კასპამდე ჩააღწია თუმცა აქ საბოლოოდ დანებდა და გზის გაგრძელება ვეღარ შეძლო.

მგზავრებმა ვისაც თანხა ჰქონდათ, კასპიდან მიკროავტობუსები დაიქირავეს გორამდე. რაღა თქმა უნდა მატარებლის გამცილებლებსა და ზოგიერთ მგზავრს შორის შელაპარაკებაც მოხდა. მგზავრები იმ ერთი ლარის უკან დაბრუნებას ითხოვდნენ, რომელიც მგზავრობის საფასურად გადაახდევინეს, თუმცა გადახდილი თანხა მათთვის უკან არავინ დაუბრუნებია.

ამასობაში კასპის სადისპეჩერო სადგურის უფროსმა თბილისის დეპოს აცნობა, რომ მატარებელი მწყობრიდან გამოვიდა და მის ნაცვლად ახალი მატარებლის გამოშვება ითხოვა. ახალმა „ელექტრიჩკამ“ კასპამდე ღამის 22:30 საათზე ჩამოაღწია. ათეულობით ადამიანი თავისი ბარგით მეორე მატარებელში გადასხდა. ახალმა მატარებელმა გორამდე დარჩენილი გზის გავლას ძალიან დიდი ხანი მოანდომა, რადგან იძულებული იყო გზა დაეთმო თბილისიდან დასავლეთისკენ მიმავალი სატვირთო და ჩქაროსნულ მატარებლებისათვის.

„თბილისი-ნიქოზის“ მატარებელმა კასპის სადგური ზუსტად შუაღამისას დატოვა. ნიქოზის, შინდისის, ხეითის, ორთაშენის და ყოფილი ბუფერული ზონის მოსახლეობამ გორის სადგურს ღამის 00:30 საათზე ძლივძლივობით მიაღწია. გორიდან ნიქოზამდე მანძილის გავლას მატარებელმა დამატებით 2 საათი მოანდომა, რადგან ამ გზაზე რელსები მოძველებულია და „გადაღებილ“ მატარებელს მასზე მაღალი სიჩქარეების განვითარება უჭირს.

დანიშნულების ადგილზე გვიან ჩასული მატარებელი, თბილისის მიმართულებითაც, რაღა თქმა უნდა, გვიან დაიძრა. 2 ივლისს „ნიქოზი-თბილისის“ მიმართულებით მოძრავი მატარებელი დედაქალაქში 9 საათის ნაცვლად 12 საათზე ჩამოვიდა.

ანალოგიური შემთხვევა განმეორდა 2 ივლისსაც. მგზავრები ამბობენ, საღამოს 19 საათზე „ბორჯომის ვაგზლიდან“ ნიქოზის მიმართულებით გასული „ელექტრიჩკა“ მცხეთაში ისევ დაზიანდაო. თუკი წინა დღეს, დაზიანებულმა მატარებელმა კასპამდე ნელი სვლით მაინც ჩააღწია, ამჯერად გზის გაგრძელება ვეღარ შესძლო. ის მგზავრები ვისაც რამე გაეგებოდა ტექნიკისა, მატარებლის ,,ბუქსირი“-ს აპარატის გახსნა სცადეს, აინტერესებდათ რა იწვევდა „ბუქსირის“ გადახურებას.

მცხეთის სადგურის უფროსი აღელვებულ მოსახლეობას ვერ აწყნარებდა, რა ჩემი ბრალია, თუ ისევ ეს გაფუჭებული მატარებელი გამოუშვესო... იმის გამო რომ მცხეთა თბილისთან ახლოსაა, დამატებითი მატარებელი მალევე ჩავიდა „დაღლილი მატარებლის“ დასახმარებლად. მაგრამ დასახამრებლად მოსულ მატარებელში გადაბარგებულ მგზავრებს ამჯერადაც მოუხდათ ერთი საათით სადგურში გაჩერება. მგზავრები ელოდებოდნენ, როდის გაივლიდნენ დასავლეთისკენ მიმავალი ჩქაროსნული და სატვირთო მატარებლები. ხალხი ამბობს, ხელისუფლებას ურჩევნია „ძველი მატარებლების გადაღებვას თავი დაანებოს და მართლა ახალი მატარებლები შეიძინოს“.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
"მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC