18:34, Wednesday, 16.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გიორგი ტუღუში-,,ყოველთვის ვიქნები კანონის და კონსტიტუციის სადარაჯოზე”

22.09.2009
ანა შეშაბერიძე

დღეს ახალმა სახალხო დამცველმა, გიორგი ტუღუშმა პრესკონფერენცია გამართა სადაც გეგმებსა და პრიორიტეტებზე ისაუბრა.

გიორგი ტუღუში პარლამენტმა ამ თანამდებობაზე 31 ივლისს აირჩია. მას მუშაობა 17 სექტემბრიდან უნდა დაეწყო, თუმცა იმის გამო, რომ საქართველოში არ იმყოფებოდა მოვალეობის შესრულებას დღეიდან შეუდგება.

ტუღუშმა განაცხადა, რომ სახალხო დამცველის აპარატში რაიმე რადიკალურ ცვლილებებს არ გეგმავს, თუმცა გარკვეულ გადაადგილებებს არ გამორიცხავს. მისი თქმით, სოზარ სუბარი ყველაზე კარგი სახალხო დამცველი იყო: „სოზარ სუბარს ჰქონდა ძლიერი მიმართულებები, რომელსაც დავტოვებ და შევცვლი იმას, რაშიც მაქვს ჩემი ახლებური ხედვა, ვეცდები ყოველთვის ვიყო კანონისა და კონსტიტუციის სადარაჯოზე“.

გიორგი ტუღუშისთვის საყურადღებოა ყველა სფერო, სადაც ხდება ადამიანის უფლებათა დარღვევა, ამიტომ პრიორიტეტების გამოყოფას მიზანშეწონილად არ მიიჩნევს: „ხშირად პრიორიტეტად რომელიმე სფეროს გამოყოფენ, მაგრამ ჩემთვის რომელიმე კონკრეტული ადამიანის უფლება ვერ იქნება ყველაზე მნიშვნელოვანი“. ამ ეტაპზე მთავარ პრიორიტეტად იმ ანგარიშზე მუშაობას მიიჩნევს, რომელიც სოზარ სუბარმა მოამზადა და რომლის წარდგენა პარლამენტისთვის სავარაუდოდ ნოემბერში მოხდება.

სახალხო დამველმა მედიას ახალი მოადგილე წარუდგინა - ტატა ხუნწარია, რომელიც პროფესიით იურისტია. ის ეროვნული უმცირესობების დაცვის განყოფილების ხელმძღვანელი იყო და გიორგი ტუღუშთან ერთად ეუთოში 5 წლის განმავლობაში მუშაობდა. ის სახალხო დამცველთან 1 ოქტომბრიდან იმუშავებს.

ახალმა სახალხო დამცველმა თანამშრომლებზე საკმაოდ კარგი შთაბეჭდილება დატოვა. მისი მრჩევლის, არჩილ თალაკვაძის შეფასებით, ის საკმაოდ დამაჯერებელი და გულწრფელი იყო. მან ტუღუშს პირველი რჩევაც მისცა: „პირველი რჩევაა შეინარჩუნოს და გაზარდოს ის სტანდარტი, რომელიც დააწესა სოზარ სუბარმა და გამოიყენოს ის გამოცდილება, რომელიც ახალ ომბუდსმენს აქვს ადამიანის უფლებათა დაცვისა და საერთაშორისო ორგანიზაციებთან მუშაობის სფეროში“.

მიუხედავად იმისა, რომ ძირითადი პრიორიტეტი ანგარიშზე მუშაობაა, სახალხო დამცველის აპარატში ყოველდღიური საქმიანობა არ შეწყდება და კვლავ გაგრძელდება საჩივრების მიღება, განხილვა და მათზე რეაგირება.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC