11:37, Saturday, 02.08.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რუსი სამხედროები საპყრობილეს სკოლის შენობაში განათავსებენ

30.10.2009
გერონტი ყალიჩავა, ზუგდიდი

ოკუპირებული გალის რაიონის სოფელ ლეკუხონაში რუსი სამხედროების გადაწყვეტილებით წინასწარი დაკავების იზოლატორი სოფლის ერთადერთ სკოლაში განთავსდება.

ამის შესახებ „ადამიანის უფლებათა ცენტრს“ ლეკუხონადან აცნობეს. რესპოდენტი, რომელმაც ვინაობის გამხელაზე უარი მისი და ოჯახის უსაფრთხოების გამო გვითხრა, გვიყვება, რომ გასულ კვირას ფსბ–ს წარმომადგენლებმა სკოლაში მოსწავლეთა მშობლები, მასწავლებლები და სოფლის გამგებელი დაიბარეს. „რუსებმა თათბირზე გვითხრეს, რომ აქ საპატიმროს გახსნიან და სკოლისთვის სხვა შენობას შეარჩევენ. მათი გეგმით“, - განაგრძობს მოყოლას ლეკუხონას მკვიდრი, „სკოლის ერთ ნაწილში იმ მესაზღვრეებისთვის, რომლებიც ადმინისტრაციულ საზღვარს აკონტროლებენ დასასვენებელი ოთახები მოეწყობა. მოსახლეობა ამით შეშფოთებულია“.

ამან სოფლის მაცხოვრებლები შეაშფოთა. ისინი ამბობენ, რომ სოფელს სკოლა არ ექნება, რადგან ლეკუხონაში შესაფერისი შენობა არ არსებობს. ადგილობრივები ფიქრობენ, რომ მოსწავლეებს განათლების მიღება ლეკუხონას მეზობელ სოფელ საბერიოში მოუწევთ. ეს უკანასკნელი კი ლეკუხონადან დიდი მანძილითაა დაშორებული. რუსებმა სკოლის შენობა საპყრობილესთვის იმიტომ შეარჩიეს, რომ ის ადმინისტრაციულ საზღვართან ძალიან ახლოსაა. ამიტომ ე. წ. საზღვრის უკანონოდ  გადაკვეთისთვის დაკავებულებს გალში კი არ გადაიყვანენ, არამედ იქ მოათავსებენ და ჯარიმის გადახდის შემდეგ გაათავისუფლებენ, როგორც ეს ახლაც ხდება, ამბობენ ლეკუხონელები.

სამეგრელო-ზემო სვანეთში აფხაზეთის ლეგიტიმური მთავრობის ხელმძღვანელის თორნიკე კილანავას განცახდებით, რუს სამხედროებს სურთ, რომ დაკავებულების სპეცშემოწმება მთლიანად მათ მიერ გაკონტროლდეს. „ეს არის შიშველი სამხედრო ძალა, რომელსაც სამოქალაქო საზოგადოებასთან ურთიერთობის გამოცდილება არა აქვს. სკოლის შენობაში წინასწარი დაკავების იზოლატორის განთავსებაც ამაზე მეტყველებს“.

სოფელ ლეკუხონას საშუალო სკოლის წინასწარი დაკავების იზოლატორად გადაქცევას რუსი სამხედროები ნოემბრის დასაწყისში გეგმავენ. სარემონტო სამუშაოებისთვის კი, როგორც ადგილობრივები იტყობინებიან სამშენებლო მასალები უკვე ჩამოტანილია.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC