03:44, Thursday, 14.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველი კანონდამრღვევი პოლიციელების დასჯას მოითხოვს

10.12.2009
ალექსი ბეჟანიშვილი

სახალხო დამცველის, გიორგი ტუღუშის მტკიცებით, 2009 წლის პირველი ნაწილის ანგარიში მთლიანად მისი ომბუდსმენობის პერიოდშია შექმნილი. ამის შესახებ გიორგი ტუღუშმა  პარლამენტში ადამიანის უფლებათა დაცვის საპარლამენტო კომიტეტის სხდომაზე  ანგარიშის განხილვისას განაცხადა.

ტუღუშის თქმით, მისთვისაც და მისი თანამშრომლებისთვისაც შეურაცხმყოფელია, როდესაც ამბობენ, რომ ეს ანგარიში მის მიერ არ არის მომზადებული და წინა ომბუდსმენმა დატოვა.

როგორც გიორგი ტუღუშმა აღნიშნა, მართალია, ანგარიშში ასახული ფაქტები სოზარ სუბარის მიერ არის შესწავლილი, თუმცა მისი ომბუდსმენად დანიშვნის პერიოდში ანგარიშის არც ერთი თავი არ იყო მომზადებული.

„ანგარიში, რომელიც დღეს პარლამენტშია შესული, თვენახევრის განმავლობაში მთლიანად ჩემი და ჩემი თანამშრომლების 24-საათიანი მუშაობის შედეგია“,-აღნიშნა ტუღუშმა.

რაც შეეხება 2008 წლის მეორე ნახევრის ანგარიშს, რომელიც პარლამენტში განუხილველი დარჩა, ამ საკითხზე გიორგი ტუღუშმა ჟურნალისტებთან კომენტარი კომიტეტის სხდომის დაწყებამდე გააკეთა და აღნიშნა, რომ ეს საკითხი მთლიანად პარლამენტის გადასაწყვეტია და მის მიმართ საყვედური არ უნდა იყოს გამოთქმული.

გიორგი ტუღუშმა კომიტეტის სხდომაზე ვრცლად ისაუბრა 2009 წლის პირველ ნახევარში მანიფესტაციების დროს გამოვლენილ დარღვევებზე.

ტუღუშის ინფორმაციით, სახალხო დამცველის აპარატში შექმნილი იყო მონიტორინგის ჯგუფები, რომლებმაც შეისწავლეს გადაცდომები როგორც სამართალდამცავთა მხრიდან, ისე მომიტინგეების მხრიდან.

გიორგი ტუღუშმა განსაკუთრებული ყურადღება გაამახვილა სახალხო დამცველის რწმუნებულზე, რომელსაც 6 მაისს მანიფესტაციის დარბევისას, მიუხედავად იმისა, რომ შესაბამისი ტანსაცმელი ეცვა, მას მაინც მიაყენეს ფიზიკური შეურაცხყოფა სამართალდამცავებმა. სახალხო დამცველი მოითხოვს ყველა იმ სამართალდამცველის პასუხისგებაში მიცემას, რომლებმაც 2009 წლის 6 მაისს სახალხო დამცველის რწმუნებულს ფიზიკური და სიტყვიერი შეურაცხყოფა მიაყენეს. მისი თქმით, ასეთი ქმედებები ეწინააღმდეგება კანონმდებლობას და ხელს უშლის სახალხო დამცველის ინსტიტუტის ფუნქციონირებას.

სახალხო დამცველი განსაკუთრებულ ყურადღებას 6 მაისს პოლიციის სამმართველოსთან სამართალდამცავების მიერ უკანონო იარაღის გამოყენებაზე ამახვილებს. კერძოდ, მიტინგის დარბევისას გამოყენებული იყო რეზინის და პლასტმასის ტყვიები, რის შედეგადაც მომიტინგეებმა ძლიერი დაზიანებები მიიღეს. ერთ-ერთმა მათგანმა თვალიც კი დაკარგა.

სახალხო დამცველის თქმით, ამ ტყვიების გამოყენება მაშინ კანონსაწინააღმდეგო იყო. არალეტალური იარაღის  – რეზინისა და პლასტმასის ტყვიების გამოყენება მხოლოდ 17 ივლისს „პოლიციის შესახებ“ კანონში შეტანილი ცვლილებით დაკანონდა.

ამასთან, გიორგი ტუღუშმა აღნიშნული ცვლილებებიც გააკრიტიკა. სახალხო დამცველის აზრით, მიუხედავად იმისა, რომ საჭირო იყო შეკრებებისა და მანიფესტაციების ახლებური რეგულირება პარლამენტის მიერ, 17 ივლისს მიღებული საკანონმდებლო ცვლილებები გარკვეულ ნაწილში ეწინააღმდეგება კონსტიტუციასაც და ადამიანის უფლებათა ქარტიასაც.

გიორგი ტუღუშმა პოლიციის მიერ ძალისა და უფლებამოსილების გადამეტების სხვა ფაქტებზე ისაუბრა. მისი თქმით, ამ ფაქტებმა განსაკუთრებით დასავლეთ საქართველოში იმატა, ამიტომ ეს ტენდენცია კარგად უნდა იყოს შესწავლილი და განსაკუთრებული ყურადღება მიექცეს სწორედ ქვეყნის დასავლეთ რეგიონებს.

გიორგი ტუღუში რეკომენდაციით მიმართავს შინაგან საქმეთა სამინისტროს, გადადგას ქმედითი ნაბიჯები მსგავსი ფაქტების აღსაკვეთად და დარღვევებს მოჰყვეს  ადეკვატური რეაგირება.


გამოყენებულია „ინტერპრესნიუსის“ ინფორმაციები
Print Send to Friend Send to Facebook Tweet This
სახელი: Elena
2013-03-20 11:22
GREAT!! Watched it all. Formula 1 experience LOLAt the end of the clip go in front of the caerma and say hello FYI I passed all the exams and B&V are in Bxl. Now I can 100% focus on my family and my new jobCiao, Giorgio
სახელი: Wieldha
2013-03-20 11:21
Mallory Price - Hi there! I came to your site searching for sooneme who specializes in taking pictures of homecoming for deployed spouses. I read that your husband just got back from a deployment and that you lived in California. What branch was your husband in and where was he stationed?The reason I'm asking is because my husband is in the Marines and he is currently in Iraq for a 7-month deployment. He's stationed at Camp Pendleton and I moved back to Georgia during his deployment and when he gets home, we will be back in California. I just thought it was ironic. It's always nice to find people who understand what it's like having a spouse in the military, especially a deployed one.My husband comes back in August and I was wondering if I could get any pricing details about having a photographer take pictures when he gets home.
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC