11:26, Wednesday, 24.08.2016
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ყოფილ სამხედრო ჰოსპიტალში მცხოვრები დევნილების პრობლემები სამინისტრომ აქამდე ვერ მოაგვარა

08.06.2010
შორენა ლათათია

ისნის რაიონში, ყოფილ რუსულ სამხედრო ჰოსპიტალში, სადაც თავდაპირველად 1500 იძულებით გადაადგილებული პირი შეასახლეს, ამჟამად დაახლოებით 600 დევნილი  ცხოვრობს. აქედან 390 ე. წ. ახალი, 210 კი „ძველი“ დევნილია. მიუხედავად იმისა, რომ 2008 წლის აგვისტოს კონფლიქტიდან წელიწადნახევარზე მეტია გასული, აქ მცხოვრებ დევნილთა უმრავლესობას ჯერ არც დევნილის სტატუსი მიუღიათ და  არც ერთჯერადი ფულადი დახმარება.

ჩასახლების მამასახლისი, დათო ტურაშვილი „ადამიანის უფლებათა ცენტრთან“ საუბარისას გულისტკივილით აღნიშნავს, რომ  80 წელს გადაცილებული რამოდენიმე დევნილი ისე გარდაიცვალა, ფულადი დახმარების აღება ვერ მოასწრეს. ამჟამად ჩასახლებაში სამხრეთ ოსეთიდან იძულებით გადაადგილებული 5 მოხუცი ცხოვრობს, რომლებიც იმედს არ კარგავენ, რომ კუთვნილი კომპენსაციის აღებას მოესწრებიან.

თუმცა, კომპენსაციისა და სტატუსის მინიჭების საკითხი არაფერია იმ პრობლემებთან შედარებით, რაც თავად ყოფილი ჰოსპიტლის შენობას უკავშირდება. საკუთარი სახლებიდან იძულებით გადაადგილებული პირები სახელმწიფომ სწორედ იმ შენობაში შეასახლა, სადაც ადრე ლაბორატორიები იყო და იქ შესვლა მხოლოდ სპეციალისტებს შეეძლოთ. ომგამოვლილ დევნილებს თავად მოუხდათ სრულიად დაბინძურებული ოთახების დალაგება და დაზიანებული კანალიზაციის მილის შეკეთება. როგორც მოსალოდნელი იყო, დევნილების მიერ შეგროვებული მინიმალური თანხით, კანალიზაციის მილის სრულყოფილი შეკეთება ვერ მოხერხდა. წელიწადზე მეტია, აქ ტუალეტი ნორმალურად არ ფუნქციონირებს. კანალიზაციის გაყვანილობა და ფეკალური მასა პირდაპირ შენობის სარდაფში ჩაედინება, რაც დევნილების ჯანმრთელობას სერიოზულ საფრთხეს უქმნის, აღარაფერი რომ არ ვთქვათ არასასიამოვნო სუნზე, რომელიც უკვე მთელს შენობას მოედო. ზაფხულში ჰოსპიტლის ტერიტორიაზე გამეფებული ანტისანიტარია კიდევ უფრო ზრდის დევნილებში სხვადასხვა ინფექციის გავრცელების რისკს.

აღნიშნულ პრობლემასთან დაკავშირებით „ადამიანის უფლებათა ცენტრის“ იურისტი ნიკოლოზ ლეგაშვილი ისან-სამგორის გამგეობას დაუკავშირდა, რომელმაც პრობლემის მოგვარების პასუხისმგებლობა საქართველოს ლტოლვილთა და განსახლების სამინისტროს დააკისრა. საქართველოს ლტოლვილთა და განსახლების სამინისტროს  დეპარტამენტის უფროსმა, კობა გორგოძემ კი ნიკოლოზ ლეგაშვილთან საუბარში განმარტა, რომ სამინისტროს აღნიშნულ პრობლემასთან დაკავშირებით უკვე აქვს ინფორმაცია და პრობლემას „ადამიანის უფლებათა ცენტრის“ კოორდინაციის გარეშეც მოაგვარებს.  
  
სამწუხაროდ, ფაქტია - „სამინისტროს კოორდინაციით“ მოგვარებული პრობლემა დღემდე მოუგვარებელია. საქართველოს ლტოლვილთა და განსახლების სამინისტროს  დეპარტამენტის უფროსს კობა გორგოძეს კი უხეშად დაკიდებული ტელეფონის მეორედ აღება აღარ სურს.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, როგორია წინასაარჩევნო გარემო?
სამართლიანი არასამართლიანი მიჭირს პასუხის გაცემა

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2016 HRIDC