უზენაესი სასამართლოს თავმჯდომარე გადადგა
საქართველოს უზენაესი სასამართლოს თავმჯდომარე ლადო ჭანტურია თანამდებობიდან ამა წლის 11 ივნისს გადადგა. "ვთვლი, რომ მე ამოვწურე ჩემი შესაძლებლობები ამ თანამდებობაზე, ყველაფერს აქვს დასაწყისი და დასასრული”, განაცხადა ლადო ჭანტურიამ და აღნიშნა, რომ სურს უფრო აქტიური როლი ითამაშოს ქართული სახელმწიფოს აღმშენებლობის საქმეში.
საქართველოს პრეზიდენტმა მიხეილ სააკაშვილმა ლადო ჭანტურიას გადაწყვეტილება დააკმაყოფილა და მას მადლობა გადაუხადა სასამართლო სისტემაში შეტანილი წვლილისათვის.
პრეზიდენტის გადაწყვეტილებით, მოღვაწეობას ლადო ჭანტურია იურიდიულ საკითხებში მის მრჩევლად გააგრძელებს.
უზენაესი სასამართლოს თავმჯდომარის თანამდებობაზე რუსეთის ფედერაციაში საქართველოს ელჩის კოტე კემულარიას კანდიდატურა მოისაზრება, რომელსაც სახელისუფლებო ფრაქციისგან სრული მხარდაჭერა გააჩნია.
მემარჯვენე ოპოზიციის წარმომადგენლები თვლიან, რომ უზენაესი სასამართლოს თავმჯდომარე ნეიტრალური პიროვნება უნდა იყოს და არა რომელიმე პარტიის წარმომადგენელი.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
