11:14, Thursday, 14.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ქართველი სამშვიდობოები ერაყში გაემგზავრნენ

08.11.2004

ქართველი სამშვიდობოები ერაყში გაემგზავრნენ

თბილისი.08.11.04.მედია-ნიუსი. 8 ნოემბერს საქართველოს თავდაცვის სამინისტროს ალექსეევკის შვეულმფრენთა ბაზიდან კომანდოს ბატალიონის ორი ასეული სამშვიდობო მისიის შესასრულებლად ერაყში გაემგზავრა. ასეულს კომანდოს ბატალიონის შტაბის უფროსი სოსო ნიკოლაიშვილი უხელმძღვანელებს.

გაცილების ცერემონია დილის 8 საათზე დაიწყო და მას თავდაცვის მინისტრი გიორგი ბარამიძე, გენერალური შტაბის უფროსი ვახტანგ კაპანაძე, უშიშროების საბჭოს მდივანი გელა ბეჟუაშვილი, სამშვიდობოების მშობლები და ახლობლები ესწრებოდნენ.

„მე ამაყი ვარ, როცა ვხედავ ქართველ ჯარისკაცებს, რომლებიც მზად არიან თვალებში ჩახედონ იმ საფრთხეს, რაც მათ შორეულ ერაყში ელოდებათ“,- განაცხადა გაცილების ცერემონიაზე საქართველოს თავდაცვის მინისტრმა გიორგი ბარამიძემ.

ასეულებს წვრთნისა და აღჭურვის პროგრამის ფარგლებში გავლილი აქვთ სამთვიანი მომზადება, შემდეგ მათ სამშვიდობო ოპერაციის განსახორციელებლად ერთთვიანი სპეციალური გადამზადება გაიარეს. უშუალოდ ერაყში ჩასვლამდე კი ისინი ორი კვირის მანძილზე კუვეითში მოემზადებიან.

ერაყში ქართველი სამშვიდობო მისიის ამოცანა იქნება აშშ-ს სამხედრო ძალებთან ერთად დასახლებულ პუნქტებში პატრულირება, რეიდებში მონაწილეობა, ტერორიზმში ეჭვმიტანილი პირების დაპატიმრება.

ცნობისთვის: ამჟამად ერაყში საჩხერის სამთო-მსროლელი ბატალიონის 159 ქართველი მშვიდობისმყოფელი იმყოფება. 2005 წლის იანვრისთვის კი მათი რიცხვი 850-მდე გაიზრდება. სამშვიდობომ კონტიგენტის გაზრდის სანაცვლოდ, აშშ-ს მთავრობა ვაზიანის მე-11 და ქუთაისის 21-ე სამხედრო ბრიგადებისათვის  „წვრთნისა და აღჭურვის“ პროგრამის ახალ ეტაპს განახორციელებს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC