შალვა რამიშვილი #1 საპყრობილეშია გადაყვანილი
თბილისი.30.08.05.მედიანიუსი. პარლამენტარ კობა ბექაურისთვის თანხის გამოძალვაში ეჭვმიტანილი ტელეკომპანია „202“-ის ერთ-ერთი დამფუძნებელი და გადაცემა „დებატების“ წამყვანი შალვა რამიშვილი #1 საპყრობილეშია მოთავსებული. მასთან ერთად ამავე საპყრობილეშია გადაყვანილი ტელეკომპანიის გენერალური დირექტორი დავით კოხრეიძე, რომელიც ასევე ამავე საქმეშია ეჭვმიტანილი.
თბილისის საქალაქო სასამართლოს სისხლის სამართლის კოლეგიამ რამიშვილსა და ტელეკომპანიის გენერალურ დირექტორს დავით კოხრეიძეს წინასწარი სამთვიანი პატიმრობა 29 აგვისტოს შეუფარდა.
სასამართლომ გაიზიარა ბრალდების მხარის მოსაზრება, რომ განთავისუფლების შემთხვევაში რამიშვილი და კოხრეიძე მოწმეებზე ზემოქმედებას შეეცდებოდნენ.