პროფესიული კავშირების გაერთიანებისთვის შრომის კოდექსის პროექტი მიუღებელია
თბილისი.19.04.06.მედიანიუსი. საქართველოს პროფესიული კავშირების გაერთიანება დღეს შრომის ახალ კოდექსის პროექტს განიხილავს. „მრგვალ მაგიდაში“ მონაწილეობას საერთაშორისო და არასამთავრობო ორგანიზაციები და საზოგადოების ცნობილი წარმომადგენლები მიიღებენ.
პროფკავშირების წარმომადგენლები მიიჩნევენ, რომ შრომის ახალი კოდექსი, რომელსაც საქართველოს პარლამენტი ამჟამად განიხილავს, არღვევს საწარმოო ძალებს შორის ბალანსს, უგულებელყოფს სოციალურ პარტნიორობის მნიშვნელობას და ზღუდავს დასაქმებულთათვის ევროპის სოციალური ქარტიით მინიჭებული სამოქალაქო-შრომითი უფლებების განხორციელებას.
„ის ფაქტი, რომ კანონპროექტის შემუშავებაში მონაწილება არ მიუღიათ არც სოციალურ პარტნიორებს, მათ შორის დამსაქმებელთა ასოციაციას და პროფესიულ კავშირებს, არც საზოგადოების სხვა ინტერესჯგუფებს, გვაძლევს შრომის კოდექსის აღნიშნულ ვარიანტში რადიკალური ცვლილებების შეტანის მოთხოვნის საფუძველს“, - ნათქვამია პროფკავშირების განცხადებაში.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
