21:23, Tuesday, 11.12.2018
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველი ბაჩო ახალაიას ციხეში ბუნტის პროვოცირებაში ადანაშაულებს

22.05.2006

სახალხო დამცველი ბაჩო ახალაიას ციხეში ბუნტის პროვოცირებაში ადანაშაულებს

თბილისი.19.05.06.მედიანიუსი. დღეს პარლამენტის ადამიანის უფლებებისა და სამოქალაქო ინტეგრაციის კომიტეტის სხდომაზე სახალხო დამცველი სოზარ სუბარი დეპუტატების წინაშე ანგარიშით წარდგა.

ანგარიშზე სოზარ სუბარმა ყურადღება იმ გახმაურებულ ფაქტებზე გაამახვილა, რომელიც 2006 წლის პირველ ნახევარში მოხდა.

სახალხო დამცველი უკანონოდ მიიჩნევს 2 მაისს კულტურის სამინისტროს წინ პოლიციის მიერ განხორციელებულ სპეცოპერაციას, რომელსაც მსხვერპლი მოჰყვა. „კანონი კრძალავს ქალაქის ცენტრალურ ადგილას იარაღის გამოყენებას, მითუმეტეს იქ, სადაც ინტენსიური მოძრაობაა. ასევე არ არის დადასტურებული, რომ სპეცოპერაციისას იარაღის გამოყენების აუცილებლობა არსებობდა, ამიტომაც ეს შემთხვევა უნდა იყოს სამაგალითო და სპეცოპერაციის ხელმძღვანელები სამაგალითოდ უნდა დაისაჯონ“, - განაცხადა სოზარ სუბარმა.

სუბარს სამართალდამცავთა ქმედება გაუმართლებლად მიაჩნია ასევე 27 მარტს მეხუთე საპყრობილეში მომხდარი ბუნტის ჩახშობის დროს. სახალხო დამცველის განცხადებით, სპეცდანიშნულების რაზმმა ცეცხლსასროლი იარაღი გამოიყენა მაშინ, როდესაც პატიმრები საკნებში იყვნენ და სპეცრაზმს წინააღმდეგობას აღარ უწევდნენ. მეტიც სუბარის თქმით, 26 მარტს ღამით სასჯელაღსრულების დეპარტამენტის ხელმძღვანელი ბაჩო ახალაია საპყრობილეში რომ არ შესულიყო და ძალა არ გამოეყენებინა, ბუნტი არ მოხდებოდა.

„ფაქტობრივად, დადასტურებულია, რომ ამ ბუნტის პროვოცირება თავად სამართალდამცავებმა მოახდინეს“, - აღნიშნა სოზარ სუბარმა.

მას ასევე მიაჩნია, რომ ბოლომდე არ არის გამოძიებული გაერთიანებული ქართული ბანკის თანამშრომლის სანდრო გირგვლიანის მკვლელობის საქმე; კერძოდ, სუბარის თქმით, წარმოუდგენელია რომ ამჟამად დაპატიმრებულ პოლიციელებს ჰქონოდათ რაიმე მოტივი, რათა მათ ფიზიკური შეურაცხყოფა მიეყენებინათ სანდრო გირგვლიანისთვის, ამიტომაც ამ მკვლელობის უშუალო დამკვეთები უნდა დაისაჯონ.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ყოფილხართ თუ არა ოჯახში ძალადობის მსხვერპლი და მიგიმართავთ თუ არა სამართალდამცავებისთვის?
დიახ და მიმიმართავს დიახ და არ მიმიმართავს არ ვყოფილვარ

ბლოგი

უგზო-უკვლოდ დაკარგულები - „არ დამივიწყო!“
1 თვე გავიდა მას შემდეგ, რაც ბებია დაიკარგა. უგზო-უკვლოდ დაკარგულთა რიგებს შეუერთდა 73 წლის ბებო, რომლის კვალი საკუთარ სოფელში, ეზოს მახლობლად იკარგება. 
ვრცლად...
კუდები გვაკვირვებს
მოჩვენებითი მშვიდობა ბალკანეთში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2018 HRIDC