პარლამენტმა სასამართლოში ფოტო-კინო-ვიდეოგადაღება აკრძალა

საქართველოს პარლამენტმა, 11 ივლისს, რიგგარეშე სხდომაზე, 117 ხმით 18-ის წინააღმდეგ, , მესამე მოსმენით,  „საერთო სასამართლოების შესახებ“ კანონში ცვლილება მიიღო, რომელიც სასამართლოს შენობასა და სასამართლოს სხდომათა დარბაზში ფოტო-კინო-ვიდეოგადაღების აკრძალვას ითვალისწინებს.

სასამართლო სხდომებზე მხოლოდ აუდიო და სტენოგრაფიული ჩაწერაა ნებადართული, თუმცა მოსამართლეს უფლება აქვს მოტივირებული გადაწყვეტილებით ესეც აკრძალოს.

საპარლამენტო ოპოზიცია პარლამენტის იურიდიული კომიტეტის ამ ინიციატივას „სიტყვისა და ინფორმაციის თავისუფლებაზე შეტევას“ უწოდებს.
კანონპროექტის ინიციატორი იურიდიული კომიტეტის პოზიციით კი , ხელისუფლებას სურს აღკვეთოს მავნე პრაქტიკა, როცა სასამართლო  დარბაზებში, ტელეკამერების თანდასწრებით, ხდება პროცესის ანგაჟირების და  ჩაშლის მცდელობები.

წყარო: მედიანიუსი