საერთაშორისო ამნისტია ადამიანის უფლებების დაცვისკენ მოუწოდებს
ორგანიზაცია "საერთაშორისო ამნისტიამ" გაავრცელა პრეს-რელიზი, სადაც იგი საქართველოს პრეზიდენტ მიხეილ სააკაშვილს მოუწოდებს ადამიანის უფლებები მისი პოლიტიკის ფუნდამენტად აქციოს.
განცხადებაში განსაკუთრებული შეშფოთებაა გამოთქმული საქართველოში რელიგიური უმცირესობების უფლებების შელახვის ფაქტების და დაუსჯელობის ატმოსფეროს, წინასწარი დაკავების საკნებში წამების და სხვა სასტიკი და არაჰუმანური მოპყრობის ფაქტების გახშირების, აჭარაში ადამიანის უფლებათა სისტემატიური დარღვევების გამო.
საერთაშორისო ამნისტია ასევე მოითხოვს საქართველოს ხელისუფლებისაგან შეერთებულ შტატებთან 2003 წელს დადებული დაუსჯელობის შეთანხმების გაუქმებას, რომელიც საერთაშორისო სისხლის სასამართლოს სტატუტს ეწინააღმდეგება.
განცხადების სრული ტექსტი შეგიძლიათ იხილოთ საერთაშორისო ამნისტიის ვებ-გვერდზე: http://web.amnesty.org/library/Index/ENGEUR560012004