15:47, Saturday, 22.02.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამ მიხნიკი "იმედის" მაუწყებლობის გახსნას ერთ კვირაში ელოდება

03.12.2007
ცნობილი პოლონელი ჟურნალისტი, ”გაზეტა ვიბორჩას” რედაქტორი, წარსულში აქტიური დისიდენტი ადამ მიხნიკი აცხადებს, რომ  ტელეკომპანია ”იმედის”  მაუწყებლობის აღდგენას მომავალი ერთი კვირის განმავლობაში ელოდება.

ადამ მიხნიკი ევროკავშირის, შეერთებული შტატების მთავრობის და  პოლონეთის საგარეო საქმეთა სამინისტროს ინიციატივით გასულ კვირას  ჩამოვიდა საქართველოში, იმ დაძაბულობის მოსაგვარებლად, რაც ტელეკომპანია  ”იმედის” მაუწყებლობის გათიშვას მოჰყვა.

მიხნიკმა გამართა  დახურული შეხვედრები  ქართული მედიის, ოპოზიციისა და ხელისუფლების წარმომადგენლებთან. 1 დეკემბერს  კი, პრეს-კონფერენცია მოიწვია.
მიხნიკის განცხადებით, მას ძალიან რთული საუბრები ჰქონდა საქართველოს  ხელისუფლების წარმომადგენლებთან და ჯერ კიდევ ბოლომდე დარწმუნებული არ არის, რა შედეგი მოჰყვება ამ მოლაპარაკებებს.

მისი თქმით, ხელისუფლების წარმომადგენლებისგან  პრეტენზიებთან ერთად ისმოდა დამაიმედებელი განცხადებები, რომ იმედის” მაუწყებლობა მალე აღდგება, ამის მიუხედევად,   ”იმედი”  კვლავ დახურულია.
”დღეს ”იმედის” შენობაში კომპანიის ტექნიკური პერსონალიც კი არ შეუშვეს”, თქვა მიხნიკმა პრესკონფერენციაზე.

”თუკი ”იმედი” ერთ კვირაში არ გაიხსნება, მე ვალდებული ვიქნები მსოფლიოს ყველა მედიასაშუალებით ვთქვა, რომ საქართველოს დემოკრატია საფრთხეშია, რადგან  ხელისუფლებას არ სურს პლურალიზმის დაშვება წინასაარჩევნო კამპანიის მიმდინარეობისას. ვიტყვი აგრეთვე, რომ მთელი ეს საუბრები პირადად ჩემთან იყო მანიპულაცია და სიცრუე; რომ მე მხოლოდ იმისთვის მომიწვიეს, რათა ხელისუფლებას დემოკრატიის ალიბი ჰქონოდა”,  დასძინა მიხნიკმა.

მან ასევე თქვა, რომ  ქართველი ჟურნალისტებისა და მთავრობის მხრიდან სურვილს შემთხვევაში ის შექმნის ე.წ.  ”ბანდიტთა ”ხუთეულს”, რომელიც წინასაარჩევნო კამპანიის მიმდინარეობისას, კვირაში ერთხელ ტელეეთერში იმსჯელებს ჟურნალისტური ეთიკის პროფესიონალური ნორმების ყველა დარღვევაზე. მიხნიკმა თქვა, რომ ხუთეულს თავად შეარჩევს, ხელისუფლებისა და სხვა პოლიტიკური ჯგუფების კარნახის გარეშე.

მიხნიკის განცხადებით, ხუთეულის წევრობაზე უკვე ესაუბრა რამდენიმე ადამიანს, რომელთა გვარებს დაასახელებს იმ დღეს, როცა ”იმედის” პირველი გადაცემა გავა ეთერში.


წყარო: Media.ge

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC