პრეზიდენტობის კანდიდატის გიორგი მაისაშვილის მტკიცებით, არჩევნების დღეს ქვეყანაში ქაოსი შეიქმნა და სახელმწიფო პარალიზებულია.
მაისაშვილის განმარტებით, "პატარა თოვლმაც კი" სახელისუფლებო სტრუქტურების სრული პარალიზება გამოიწვია. არჩევნების დღეს უფასო ტრანსპორტის შესახებ ხელისუფლების დაპირება დაპირებადვე დარჩა, რადგან ამ ტრანსპორტს ხელისუფლების წარმომადგენლები ე.წ. კარუსელებისთვის იყენებენ.
მაისაშვილმა უცხოელი დამკვირვებლები გააკრიტიკა და აღნიშნა, რომ ისინი დარღვევებს კი არ აფიქსირებენ, "არამედ ბუზებს ითვლიან".
"მინდა შევახსენო ამერიკელებს 60-იანი წლების ცნობილი საზოგადო მოღვაწის მარტინ ლუთერკინგის ფრთიანი ფრაზა "ნოუ ჯასთის, ნოუ ფის" - "თუ არ იქნება სამართალი, არც მშვიდობა იქნება". ჩვენ დავიცავთ თითოეული ამომრჩევლის ხმას და ქვეყანას გავათავისუფლებთ სააკაშვილის რეჟიმისაგან". - განაცხადა გიორგი მაისაშვილმა.
წყარო: მედიანიუსი