00:13, Wednesday, 23.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გოჩა ძასოხოვი და ლერი ხაბელოვი საქართველოდან გაიქცნენ

25.12.2008
 ბიზნესმენი გოჩა ძასოხოვი თბილისიდან მოსკოვში გაიქცა და გაზეთ “სეგოდნიასთვის” მიცემულ ინტერვიუში საქართველოს ხელისუფლებას ოსი ხალხის შევიწროებაში ადანაშაულებს.

ძასოხოვი იმასაც აღნიშნავს, რომ საქართველოს ეროვნული ოლიმპიური კომიტეტის ყოფილი ვიცე-პრეზიდენტს ლერი ხაბელოვს, მისი ოსური წარმომავლობის გამო, საქართველოს ხელისუფლებამ ტერორი მოუწყო და ხაბელოვი იძულებული გახდა, ცხინვალში გაქცეულიყო, სადაც ის ლტოლვილთა კარავში ცხოვრობს.

თავად ძასოხოვი მოსკოვში პირდაპირ პეკინიდან გაქცეულა, სადაც ის ოლიმპიადას შსს-ს სპორტსაზოგადოება “დინამოს” ხელმძღვანელის რანგში ესწრებოდა.

მისი თქმით, სააკაშვილმა, რომელმაც ოს ხალხს ბართლომეს ღამე მოუწყო, ის საკუთარი ხალხის წინააღმდეგ ვერ გამოიყენა და ამიტომაც, საქართველოს ხელისუფლებამ მთელი მისი ბიზნესი დააყადაღა.
ძასოხოვის მტკიცებით, ქართულმა არმიამ ცხინვალი დაანგრია, ოსური სოფელი დმენისი მიწასთან გაასწორა და “ცეცხმოკიდებულ ცხინვალში დიმიტრი სანაკოევი რუპორით აცხადებდა, რომ ახლა ის იყო უმაღლესი ხელისუფლება და ყველა მას უნდა დამორჩილებოდნენ.”

ძასოხოვის განცხადებით, საქართველოს თავდაცვის მინისტრი დავით კეზერაშვილი მას სპეციალურად უვრცელებდა ხმებს, თითქოს ის კოკოითის მხარეზე იბრძოდა.

ბიზნესმენმა ისიც აღნიშნა, რომ დიმიტრი სანაკოევის კანდიდატურამდე, სააკაშვილი სწორედ მას სთავაზობდა დროებითი ადმინისტრაციული ერთეულის ხელმძღვანელობას.

ძასოხოვის თქმით, დღეს სააკაშვილი კახეთში მცხოვრებ ოსებსაც სდევნის.

“კახეთის ოსურ სოფლებში სპეციალური დანიშნულების რაზმები შედიან და ხალხი “კამაზებით” ერგნეთში მიჰყავთ, საიდანაც სამხრეთ ოსეთის მიმართულებით უშვებენ. სოფლებში უცნობი პირები რუპორებით ყვირიან:”წადით, წადით” “, - აცხადებს ბიზნესმენი.

ძასოხოვის თქმით, ის უახლოეს მომავალში საკუთარ თანამოაზრეებთან ერთად საქართველოს პოლიტიკურ ცხოვრებაში ჩართვას და “სააკაშვილის რეჟიმთან” ბრძოლას აპირებს.

მედიანიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC