პოლიტპატიმრების ოჯახების წევრები დაკავებულთა გათავისუფლებას ითხოვენ.
ამის შესახებ ერთ-ერთი დაკავებულის შვილმა და არასამთავრობო ორგანიზაცია „კანონი ხალხისთვის“ წარმომადგენელმა ზაქარია ქუცნაშვილმა დღეს სახალხო დამცველის ოფისში გამართულ პრესკონფერენციაზე განაცხადა.
მისი ინფორმაციით, თუ 9 აპრილამდე პოლიტიკური ნიშნით დაკავებულ ადამიანთა რიცხვი 30-ს არ აღემატებოდა, ამჯერად მათი რაოდენობა გასამმაგდა და როგორც სისხლის, ისე, ადმინისტრაციულ-სამართლებრივი წესით 92 ადამიანია დაპატიმრებული. ქუცნაშვილის განცხადებით, ისინი პოლიტიკურ პარტიებთან ერთად კოორდინირებული ბრძოლის დაწყებას აპირებენ და მოითხოვენ, რომ აშშ-ს ვიცე-პრეზიდენტ ბაიდენის ვიზიტამდე დაკავებულები გათავისუფლდნენ
„საქართველოში პოლიტიკური ნიშნით დევნამ არნახულ მასშტაბს მიაღწია. ჩვენ მივმართავთ საერთაშორისო ორგანიზაციებს და უცხოეთის მთავრობებს, დაგვეხმარონ უდანაშაულო ადამიანების დახსნაში“, -განაცხადა ზაქარია ქუცნაშვილმა
წყარო: ინტერპრესნიუსი