თბილისში, თავისუფლების მოედანზე დღეს აფხაზური საკვირაო სკოლა გაიხსნება. ამის შესახებ ინფორმაციას აფხაზეთის მთავრობა ავრცელებს.
სასწავლებელი საქართველოს პრეზიდენტის და აფხაზეთის მთავრობის მხარდაჭერით და კათოლიკოს-პატრიარქის ლოცვა-კურთხევით იხსნება. სკოლაში აფხაზეთიდან დევნილ მოსწავლეებთან ერთად თბილისელი ბავშვებიც ისწავლიან.
გახსნის ცერემონიალს აფხაზეთის ლეგიტიმური მთავრობისა და საქართველოს პარლამენტის წევრები, ასევე განათლების სამინისტროს წარმომადგენლები დაესწრებიან.
პროექტის ხელმძღვანელია ორგანიზაციის "მომავალი თაობისათვის" პრეზიდენტი და სკოლის დირექტორი დავით მენაფირე.
პირველი ასეთი სკოლა - „ლამპარი“ ქალაქ რუსთავში უკვე 2 წელია არსებობს და დღეისათვის, იქ 600-ზე მეტი მოსწავლე სწავლობს. აფხაზურ ენას მათ პედაგოგი, ასევე „საზოგადოებრივი მაუწყებლის“ აფხაზური ჯგუფის ჟურნალისტი, ეროვნებით აფხაზი - ირმა ოსია ასწავლის.
აფხაზური საკვირაო სკოლის მოსწავლეები ახლადშედგენილი აფხაზური დედაენით ისწავლიან.
წყარო: „ინტერპრესნიუსი“
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
