01:18, Thursday, 06.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადვოკატი გულგრილობისთვის პროკურორის პასუხისგებაში მიცემას ითხოვს

24.02.2010
ადვოკატი თენგიზ ბეჟაშვილი გულგრილობისთვის სიღნაღის პროკურატურის პროკურორის დავით დუღაშვილის პასუხისგებაში მიცემას ითხოვს.

როგორც თენგიზ ბეჟაშვილმა კახეთის საინფორმაციო ცენტრს განუცხადა, სიღნაღის პოლიციის თანამშრომლებმა ლევან ხარატიშვილმა და ოთარ თოფჩიშვილმა 2010 წლის 1 იანვარს 23 წლის გურამ ბაგალიშვილი სასტიკად სცემეს. მომხდართან დაკავშირებით გამოძიება დაიწყო, თუმცა პროკურატურა სს საქმის შეწყვეტას გეგმავს. „ექსპერტიზას დააწერინეს პასუხი, რომ ცემის შედეგად ბაგალიშვილმა მსუბუქი ხარისხის დაზიანება მიიღო, არადა დაზარალებულს ცეცხლსასროლი იარაღით თავი სამ ადგილას ჰქონდა გატეხილი. პროკურორი საქმის მიმართ სრულ გულგრილობას იჩენს და პოლიციელებს მფარველობს“, - განაცხადა თენგიზ ბეჟაშვილმა.

ადვოკატის ბრალდებებზე სიღნაღის პროკურატურაში კომენტარი არ გააკეთეს.

სიღნაღის პროკურატურას ადამიანის უფლებების დამრღვევი პოლიციელების მფარველობაში ადანაშაულებს არასამთავრობო ორგანიზაცია „ადამიანის უფლებათა ცენტრიც“.

როგორც უფლებადაცვით ორგანიზაციაში განაცხადეს, სიღნაღის პოლიციის თანამშრომლებმა სამსახურებრივი მდგომარეობა ბოროტად არაერთხელ გამოიყენეს და იარაღის გამოყენებით მოქალაქეებს სხეულის დაზიანებები მიაყენეს, რაზედაც პროკურატურა რეაგირებას არ ახდენს.

„ცოტა ხნის წინ, სიღნაღის პოლიციის უფროსის მოადგილემ ოთარ დიღმელაშვილმა მოქალაქე გელა კუტიბაშვილი ისე სცემა, რომ მას 12 კბილი და ყბის ძვალი ჩაუმტვრია, რის შემდეგაც პოლიციისთვის წინააღმდეგობის გაწევის ბრალდებით დააკავა. კუტიბაშვილის არაერთი საჩივრის მიუხედავად, დიღმელაშვილი დააწინაურეს და რაიონული სამმართველოდან სამუშაოდ შს კახეთის სამხარეო მთავარ სამმართველოში გადაიყვანეს. ასევე ყველა მტკიცებულება არსებობს იმისათვის, რომ პროკურატურას პოლიციელები ხარატიშვილი და თოფჩიშვილი დაეკავებინა, თუმცა ამ ფაქტსაც უყურადღებოდ მოეკიდა“, - აღნიშნეს „ადამიანის უფლებათა ცენტრში“.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC